وڭتۇستىك قازاقستان وبلىسىنىڭ ەلورداسى – استاناداعى كۇندەرى اياسىندا وبلىستىق ونەركاسىپ وندىرۋشىلەردىڭ كورمەسى مەن اۋىل شارۋاشىلىعى ونىمدەرىنىڭ جارمەڭكەسى وتەدى. وسىعان وراي، وڭىردەن باس قالاعا 300 توننادان استام اۋىل شارۋاشىلىعى ونىمدەرى تيەلگەن كەرۋەن جولعا شىقتى. مەرەيتويعا تارتۋ رەتىندە وڭتۇستىكقازاقستاندىق ديقاندار ءوز ونىمدەرىن نارىقتاعى باعادان 15-20 پايىزعا ارزان ساۋدالاماق.

سونىمەن، جالپى كولەمى 304 توننا بولاتىن ونىمدەردىڭ قۇرامىندا 60 توننا ەت جانە ەت ونىمدەرى، 126 توننا كوكونىس، 29 توننا جەمىس-جيدەك، 7 تن ءسۇت ونىمدەرى، 5 تن شۇبات، 25 مىڭ دانا جۇمىرتقا، 40 تن باقشا ونىمدەرى، 7 تن بالىق، 7 تن بال، 3 تن وسىمدىك مايى مەن 5 تن كەپتىرىلگەن جەمىس 15 تن باسقا دا ونىمدەر بار. 

 ايتا كەتەيىك، ەگىنشىلىككە جايلى وڭتسۇتىك قازاقستان وبلىسىندا سوڭعى جىلدارى ۇدەملە يندۋستريايلىق-يننوۆاسيالىق دامۋ باعدارلاماسىن جۇزەگە اسىرۋشى "" اگروبيزنەس -2020  باعدارلاماسى مەن قارجىلاندىرۋ كوزى بولىپ تابىلاتىن "اۋىلشارۋاشىلىعىن قولداۋ قورى" ارقىلى جىلىجايلار مەن ەگىس القاپتارى ۇلعايعان. مەملەكەتتىڭ قولداۋىن سەزىنگەن شارۋالار كۇزدە ەڭبەكتەرىنىڭ جەمىسىن كورىپ، مول ءونىم جينادى. سول ءونىمنىڭ ءبىر بولىگى باس قالاعا اتتاندى.  

مۇنداعى اۋىل شارۋاشىلىق ونىمدەرىنىڭ جالپى قۇنى 100،8 ملن.تەڭگەنى قۇرايدى. ەلوردادا «حان شاتىر» ساۋدا-ويىن-ساۋىق ورتالىعى ماڭىندا 15-16 قازان كۇندەرى وتەتىن اۋىل شارۋاشىلىعى جارمەڭكەسىنە 50-دەن استام وڭتۇستىك ءوڭىردىڭ تاۋار وندىرۋشىلەرى  ساپالى ءارى بالعىن ونىمدەرىن تۇرعىندارعا ۇسىنباق.