شىمكەنت قالاسىنداعى «بوزارىق» شاعىناۋدانىندا ءبىر گەكتاردى قۇرايتىن اۋماقتا جاڭا مال سويۋ بەكەتى ىسكە قوسىلماق. ناتيجەسىندە، بۇل بەكەتتە تاۋلىگىنە 200-دەن استام ۇساق مالدى سويۋعا مۇمكىندىك بەرەدى.

بۇل بەكەت جەكە كاسىپكەرلەر ەسەبىنەن سالىنۋدا. ەستەرىڭىزدە بولسا، دۋلاتي كوشەسىندەگى جەكە ۇيلەردە مال سويۋعا تىيىم سالىنىپ، قالا اكىمى عابيدوللا ءابدىراحىموۆ كاسىپكەرلەردى قولداۋ ماقساتىندا بۇل كاسىپتەرىن جالعاستىرۋ ءۇشىن قالا اۋماعىنان جەر تەلىمىن بولۋگە ۋادە بەرگەن ەدى. بۇگىندە قالانىڭ ورتالىعىندا ورنالاسقان ۇيلەردە مال ساۋداسى مەن ونى باۋىزداۋ كاسىبىن توقتاتۋ تۋرالى شەشىم قابىلداندى. ەندىگى جەردە قالالىقتار زامان تالابىنا ساي ۇلگىدە سالىنعان بەكەتتەن مال الىپ، سول جەردە سويدىرىپ الا الادى.
راسىندا مال سويۋ بەكەتى سانيتارلىق-گيگيەنالىق نورمالار مەن تالاپتارعا سايكەس.

ايتا كەتەيىك، جاقىندا تۇركىستان قالاسىندا جاڭا مال بازارى قولدانىسقابەرىلگەن بولاتىن.تۇركىستان قالاسىندا تاعى دا ايتۋلى شارا. تاۋەلسىزدىكتىڭ 25-جىلدىعى قارساڭىندا  قالا تۇرعىندارىنىڭ قۋانىشىندا شەك جوق. كوپتەن بەرى شەشىمىن تابا الماي كەلە  جاتقان تۇيتكىلدى ماسەلە بۇگىن وڭ ناتيجەگە قول جەتكىزۋدە. ول «نۇر-اسەم» مال بازارىنىڭ اشىلۋى. اشىلۋعا ارنايى بارىپ لەنتاسىن قيعان قالا اكىمى بازار ۇجىمىنا تابىس تىلەدى. 

 بازار باسشىلىعى-جەكە كاسىپكەر ءابسامات ماتكارىم ۇلى ستاندارتقا ساي سوڭعى ۇلگىدەگى، اشىلعان بۇل ورىندا ەكى ءجۇز ادامدى جۇمىسپەن قامتيتىنىن تىلگە تيەك ەتتى. تۇركىستان قالاسى جانە اۋىلدىق وكرۋگتەردىڭ نەگىزگى كۇنكورىس سالاسى مال مەن ەگىن شارۋاشىلىعى ەكەنى  بەلگىلى.جىل وتكەن سايىن مال باسىنىڭ ارتۋى  كوڭىل قۋانتادى.سونىڭ ىشىندە ءىقم باسى 81994 باس  106،5%-عا، قوي-ەشكى 437577 باس 104،5%-عا، جىلقى 9983باس 108،5%-عا، تۇيە 2742 باس 105،4%-عا ارتتى، شوشقا 1089 باس، 82،4% قۇراعان.

مەملەكەتتىك باعدارلامالار اياسىندا مال باسىن اسىلداندىرۋ سالاسى دا ىلگەرى دامىپ كەلەدى.  بۇگىنگى تاڭدا ەل ەكونوميكاسىنىڭ قوزعاۋشى كۇشىنە اينالعان شاعىن جانە ورتا كاسىپكەرلىككە مەملەكەت تاراپىنان ەرەكشە قولداۋ كورسەتىلىپ جاتقانى بەلگىلى. سونىڭ ىشىندە جەكە كاسىپكەرلىكتى قولداۋ.

shymkala.kz