تانىمال ءانشى قاراقات ءوزىنىڭ جارى ءقىدىرالىنىڭ ەكىنشى جارى بولىپ تۇرمىسقا شىققانىن جاسىرماي ايتىپ بەردى.-  دەپ حابارلايدى قامشى پورتالى.

بۇل تۋرالى ول 31-ارنانىڭ "ۇيات ەمەس" باعدارلاماسىندا ايتتى.

ول ءقىدىرالىنىڭ وزىنە دەيىن باسقا ايەلى بولعانىن، ءبىراق ول ايەلمەن ءبىر جىلدان كەيىن اجىراسىپ كەتكەنىن جانە قاراقاتقا ءوز اۋزىنان بار شىندىقتى جاسىرماي ايتىپ بەرگەنىن اتاپ ءوتتى.

"ءبىرىنشى كوتەرگەن شاڭىراعى تۋرالى، ۇيلەنگەنى تۋرالى ەشقانداي بۇكپەسىز قالاي بار، سولاي اڭگىمەلەپ بەردى. ءبىر جارىم اي سونىمەن بىرگە تۇرعانىن ايتتى. ءبىراق سول كەزدە ونىڭ ارتىنان جۇگىرگەن قىزدار وتە كوپ بولعان ەكەن. الىپ بارا جاتقان بوي ۇزىن، كورىكتى دە جىگىت ەمەسپىن دەيدى.

ءسويتىپ ءجۇرىپ، بالالىقپەن، شالالىقپەن ارتىمنان جۇگىرگەن ءبىر قىزعا ۇيلەندىم دەپ ول ماعان اشىق ايتتى.

ارالارىندا بالا بولعان، ءبىراق ول بالا قىرقىنا جەتپەي شەتىنەپ كەتتى. سوندا ول بالامەن ۇستاعان ءقىدىرالىنى. اياعى اۋىرلاپ شىققان بولۋى كەرەك. سودان بۇل جاعدايدان كەيىن بىردەن اجىراسقان. وعان سەبەپ تە بولعان. ول ورىسشا تاربيە كورگەن قىز ەكەن. ول قىدەكەڭنىڭ كوڭىلىنە جاقپادى. مەن ونى نەگە قازبالاپ، نەگە ەسىمە الىم، مازامدى الۋىم كەرەك؟"، - دەدى قاراقات.

   ءوزىنىڭ ادرەسىنە «كوسوگلازايا، كريۆونوگايا» دەگەن سىندى سوزدەردىڭ كوپ ايتىلعانىن، ءبىراق ادام سابىرعا كەلسە نە نارسەگە بولسىن قول جەتكىزەدى دەدى قاراقات.