ق ر اۋىلشارۋاشىلىق مينيسترلىگىنىڭ ەكس ۆيسە-مينيسترى مارات تولىبايەۆ ءوزىنىڭ Facebook پاراقشاسىندا قازاقستاندىق قالالاردىڭ اتاۋىن ورىس تىلىندە دۇرىس جازۋدى ۇسىندى. نەگىزگى اڭگىمە وڭتۇستىك استانا جايلى بولاتىن دەپ tengrinews.kz حابارلاعان بولاتىن. قامشى پورتالى ماتەريالدى قازاقشاعا اۋدارىپ، قوعامدىق وزەكتى ماسەلەنى وقىرمان تالقىسىنا سالۋدى ءجون كوردى.

ەكس-شەنەۋنىكتىڭ ويىنشا «الماتى» الدە «الما-اتا» دەپ اتاۋ جايلى داۋ پراكتيكالىق ەمەس ساياسي مانگە يە بولدى. شىن مانىندە، ماسەلە گرامميكادا.

«ەگەر قازاقشا سويلەسەك، وندا اتالمىش ءسوزدىڭ قازاق تىلىندە جازىلۋىنا سايكەس «الماتى» دەۋىمىز قاجەت. ال، ەگەر ورىسشا سويلەسسەك، ورىس تىلىندەگى ءسوزىمىز ورىس لەكسيكونىنا ساي بولۋى شارت. ورىس تىلىندە «الما-اتا» دەگەن ءسوز بار، كوپتەگەن رەسەيلىك انىقتامالاردا قالا ءدال وسىلاي اتالادى دا. بۇل جەردەن ەشقانداي ساياسي، ۇلتتىق استار ىزدەۋدىڭ قاجەتتىلىگى جوق»،-دەپ جازدى تولىبايەۆ.

تولىبايەۆ تاعى بىلاي دەيدى: «ورىس ءتىلىنىڭ «قولدانۋشىسى» دا، «يەسى» دە ورىس حالقى، اتاپ ايتقاندا رەسەي مەملەكەتى بولىپ تابىلادى. ءوز تىلدەرىندە سوزدەردى قالاي جازادى وزدەرى عانا شەشەدى. ءبىز رەسەيلىكتەردى ءوز ەلىمىزدىڭ قالا اتاۋلارىن قالاۋىمىزداي جاز دەپ ماجبۇرلەي المايمىز».

«بەيدجيندى پەكين دەۋىمىز قىتايلارعا ۇنامايتىن شگىعار. ءبىراق ولار بىزگە ەشنارسە ايتا المايدى. ءپاريدى پاريج دەپ جۇرگەن رەسەيلىكتەرگە فرانسۋزدار دا ايىپ تاعىپ جاتقان جوق».

«رەسەي فەدەراسياسىنىڭ استانا اتاۋىن قازاق تىلىندە «ماسكەۋ» دەيمىز. رەسەيلىكتەر وعان رەنجىپ، باس قالامىزدى «موسكۆا» دەپ اتاڭدار، سولاي جازىڭدار دەپ بۇلىك شىعارعان ەمەس. سەبەبى قازاق ءتىلىنىڭ يەسى ءبىزبىز. قالاي جازساق تا ءوز قۇقىعىمىز».

«ورىس تىلىندەگى ماتىندەردە قالا اتاۋىن قالاي جازۋدى رەسەيلىك رەسمي دەرەككوزدەردەن قاراۋىمىز قاجەت. ەگەر ول جەردە «الما-اتا» دەپ جازىلسا، ءبىز دە «الما-اتا» دەۋىمىز شارتتى».

«بۇل ماسەلە قازاقستاننىڭ باسقا ەلدى-مەكەن اتاۋلارىنا دا قاتىستى. ورىس تىلىندەگى ماتىندەردە چيمكەنت دەسەك، قازاقشادا شىمكەنت دەسەك قاتەلەسپەيمىز. ورىسشا ۋست-كامەنوگورسك دەسەك، قازاقشا وسكەمەن، ورىسشا ۋرالسك دەسەك، قازاقشا ورال دەۋىمىز دۇرىس. بۇل جاي عانا ەكى ءتىلدىڭ گرامماتيكاسى»، - دەپ اعىنان جارىلدى تولىبايەۆ مىرزا.

مارات تولىبايەۆ 2013 جىلدىڭ جەلتوقسانىندا ق ر اۋىلشارۋاشىلىق ءمينيسترىنىڭ ۆيسە-مينيسترى قىزمەتىنەن كەتكەن بولاتىن. ءوزىنىڭ Facebook پاراقشاسىندا ارا-تۇرا وسىلاي وي قوزعاپ وتىرادى. جاقىندا عانا ول كوپ ايەلدى الۋ ماسەلەسىن زاڭداستىرۋمەن قاتار قازاقشا ەسىمدەردى جازۋدا جاڭا ەرەجە ەنگىزۋدى ۇسىنعانىن ەستەرىڭىزگە سالايىق.