ق ر ءماجىلىس ءتوراعاسى نۇرلان نىعماتۋلين سانكت-پەتەربوردا كورنەكتى قوعام جانە مەملەكەت قايراتكەرى، الاشوردا اۆتونوميالى ۇكىمەتىنىڭ ءتوراعاسى ءاليحان بوكەيحان ۇلىنىڭ ەسكەرتكىش ءمۇسىنىنىڭ اشىلۋىنا قاتىسادى. بۇل تۋرالى ءماجىلىس اپپاراتىنىڭ باسپا ءسوز قىزمەتى حابارلاپ وتىر. سالتاناتتى شارا تاۆريچەسكيي سارايىندا تمد پاا شتاب-پاتەرىندە وتەدى. وسىندا 24-25 قاراشادا تمد پاا جانە ۇقشۇ پا شارالارى وتەدى دەپ جوسپارلانعان. پالاتا ءتوراعاسى نۇرلان نىعماتۋلين باستاعان ماجىلىسمەندەر سونداي-اق تمد پاا 45ء-شى پلەنارلىق وتىرىسىنا قاتىسادى. وندا الەۋمەتتىك ۇلگىدەگى زاڭدار توپتاماسى تالقىعا تۇسپەك. سونداي-اق، قاۋىپسىزدىك، سونىڭ ىشىندە، ەكسترەميزم مەن تەرروريزم ماسەلەلەرى دە نازاردان تىس قالمايدى. ساپار اياسىندا نۇرلان ءنىعماتۋليننىڭ ۇقشۇ پا جيىنىندا ءسوز سويلەۋى جانە ازەربايجان، قىرعىزستان، رەسەيدەن كەلگەن ارىپتەستەرىمەن ەكىجاقتى كەزدەسۋلەر جوسپارلانعان.