NASA 22 قاراشادا جاساعان مالىمدەمەسىندە مارس بەتىندە ۇلكەن مۇز ايدىنى تابىلعانىن جاريالادى.

مالىمدەمەگە ساي، تابىلعان مۇزدى تەڭىز  اقش-تىڭ  Superior كولىنىڭ اۋدانىمەن بىردەي. بۇنداي زەرتتەۋ ناتيجەسىنە مارس وربيتاسىن ۇزدىكسىز باقىلاۋدان كەيىن قول جەتكەن.

تەحاس ۋنيۆەرسيتەتى عالىمدارىنىڭ باقىلاۋى بويىنشا، مۇز ايدىنى مارستىڭ Utopia Planitia ايماعىندا. اتالعان مۇز ايدىنى بويىنشا زەرتتەۋ جۇمىستارى مارستى تانۋدا ۇلكەن ماڭىزعا يە بولماق.

عالىمدار مارستاعى سۋ كوزدەرىنىڭ تارالۋى مەن بەلگىلى ءبىر ۋاقىتتا جوق بوپ كەتۋى نەمەسە مۇز بوپ قاتۋى تۋرالى زەرتتەۋلەر جاساپ كەلەدى. زەرتتەۋ ناتيجەلەرى مارستىڭ وتكەن تاريحىنداعى ۇلكەن كولدەرى مەن وزەندەرى بولدى دەگەن بولجام تۋدىرادى. دەگەنمەن، سول سۋ كوزدەرىنىڭ ءقازىر نەگە جوعالىپ كەتكەنىن انىقتاۋ اسا ماڭىزدى بولىپ تۇر.

NASA، بۇل سۋ كوزدەرىنىڭ الداعى ۋاقىتتا جەردەن ۇشقان عارىشكەرلەر ءۇشىن سۋ كوزى بولىپ، قاجەتكە جاراۋى مۇمكىن ەكەندىگىن دە ايتادى.

1-10 مەترلىك توپىراق قاباتىنىڭ استىنداعى مۇز تەكشەسى مارس اتموسفەراسىنىڭ ساقتالۋى ءۇشىن ماڭىزعا يە. قاتتى تەرەڭ بولماعانى ءۇشىن دە الداعى ۋاقىتتا عارىشكەرلەرگە قولدانۋعا قولجەتىمدى بولماق.  زەرتتەۋشىلەر جالپى تەرەڭدىگى 80 مەن 170 مەتر تەرەڭدىگىندەگى مۇز ايدىنىندا سۇيىق سۋدىڭ بار-جوعىن دا زەردەلەدى. ناتيجەگە ساي، مۇز تەكشەسى تۇگەلدەي مۇز كۇيىندە.

دەگەنمەن اتالعان مۇزدى تەكشەدە ەشقانداي ەرۋ پروسەسى بايقالمايدى. ولاي بولعان جاعدايدا مارستان ميكروورگانيزمدەردى دە كەزىكتىرۋگە بولار ەدى. سونداي-اق تابىلعان مۇز مارس كليماتىنىڭ اۋىتقىمالىلىعىنىڭ دا سىرىن اشۋعا سەپ بولماق.