ميحايل گورباچيەۆ ءومىر جايلى سىر شەرتەدى. بۇل جايىندا esquire.kz سايتىندا جاريالانعان بولاتىن. ماقالانىڭ قازاقشا نۇسقاسىن قامشى پورتالى ۇسىنادى

بىرەۋ مەنەن پاراساتتىلىق جايلى سۇراي باستاسا بولدى بىردەن ويىما كەلەتىنى: بالكىم، مەن ءومىرىمنىڭ سوڭعى كۇندەرىن كەشىپ جۇرگەن بولارمىن.

مەنىڭ ەڭ ءبىرىنشى ەسىمە تۇسەتىنى – اشارشىلىق. 1933 جىلى جاسىم ەكىدەن اسقان ەدى، سول كەزدەرى مەنىڭ اندرەي دەيتىن اتام ءۇيدىڭ ماڭىنداعى كولشىكتەن قۇرباقانى اۋلاپ، ونى بىزگە rاسترۇلدە قايناتىپ بەرەتىن. قۇرباقالاردى قايناتىپ جاتقاندا ولار كوپىرشىكتەنىپ كەتەتىن. ءبىراق سول قۇرباقالاردى جەدىم بە، جوق پا – ەسىمدە جوق. كەيىننەن، ءبىراز ۋاقىت وتكەن سوڭ ءپاريجدىڭ ورتالىعىندا پاريج جايلى ءان تىڭداپ، كاتەرمەن سەرۋەندەپ جۇرگەن كەزىمىزدە رايسا ەكەۋمىز قۇرباقانىڭ اياقتارىن جەگەن بولاتىنبىز.

1935 جىلى قاتتى ناۋقاستانىپ قالدىم. دەم جەتپەي، تۇنشىعاتىنمىن – مۇنىڭ سەبەبىن جاقىندارىم انىقتاي المادى. كەرەۋىتىمنىڭ باسىنا شامداردى قويىپ، جىلاعاندارىنان باسقا ەشتەڭە دە ىستەي المادى. اۋىل. 1935 جىل. ءبىر ايەل كىردى دە قۇنارلى بال تاۋىپ، ءبىر ستاقان بەرىپ ىشكىزىڭىزدەر دەپ ايتتى.

قازىرگى كەزدە دە كوزىم جۇمسام، كوز الدىما ءۇيىلىپ تۇرعان بيداي ەلەستەيدى. اسىرەسە، ماۋسىم ايىندا ءپىسىپ جەتىلىپ بولعان سوڭ، ونىڭ ورىلىپ، سۋارىلىپ جاتقانى.

مەنىڭ اتام اندرەي مەن تاعى ءبىر كىسى پانتەلەي اتا ەكەۋى دە كەدەي كرەستياندار بولعان. سوۆەت ۇكىمەتى ولارعا جەر بەرىپ، ءبىراز ۋاقىت وتكەننەن كەيىن تۇرمىستارى تۇزەلە باستادى. پانتەلەي قارت ۇنەمى. «ءبىزدى سوۆەت ۇكىمەتى قۇتقاردى، ولار بىزگە جەر بەردى» دەپ ايتىپ جۇرەتىن.

سوعىستان كەيىن اكەممەن بىرگە 5 جىل كومبايندا جۇمىس ىستەدىم. سول ساتتەردە ارامىز جاقىنداي ءتۇستى. كوپ اڭگىمە ايتاتىنبىز، وزىمىزشە تەك ەركەكتەر اراسىندا بولاتىن اڭگىمە دەپ توپشىلاپ قويامىز، كىممەن قانداي بايلانىستا جۇرگەنىمىزبەن بولىسەتىنبىز. اكەم ماعان دەگەن قاتاڭ ەسكەترپەسىن انام ارقىلى جەتكىزگەن بولاتىن: «ميحايلعا ايت، تۇندە ەرتەرەك ورالسىن ۇيگە».

ءومىر وزەن اعىپ جاتىر، ال ادامدار ءبىرى كەلىپ، ءبىرى كەتىپ بارادى.

رايسا ەكەۋمىز 46 جىل بىرگە تۇردىق، سونىڭ 40 جىلىن ەكەۋمىز بىرگە سەرۋەندەۋمەن وتكىزگەن ەكەنبىز.

قارتايعان شاعىڭدا كوز جاسىڭا ەرىك بەرمەي ۇستاپ تۇرۋ قيىن ەكەن.

قازىرگى تاڭدا ءوز دەنساۋلىعىما باسا نازار اۋدارىپ ءجۇرمىن. سەبەبى، دوستارىمدى 90 جاسقا كەلگەن مەرەيتويىما شاقىرامىن دەگەن ۋادەمدى ورىنداعىم كەلەدى. مۇنىڭ قانشالىقتى مۇمكىن ەكەنىن بىلمەيمىن، دەگەنمەن قاي شاقتا بولساڭ دا الدىڭا ماقسات قويىپ، جەتە ءبىلۋىڭ كەرەك قوي.

تۇسىمدە مەنى كۇندىز تەبىرەنتكەن سۇراقتارعا جاۋاپ تاۋىپ جاتامىن. ماعان قاسىڭا قاعاز بەن قالام الىپ جاتىپ، ويىڭا كەلگەن كەزدە ۇمىتىپ قالماي تۇرىپ جازىپ قوي دەيدى. ءبىر كۇندەرى سولاي جاساپ كوردىم، جازىپ الدىم دا وقىپ كوردىم، سودان مۇنداي نارسەگە بولا تۇنگى ۇيقىنى ءبولۋدىڭ قاجەتى جوق شىعار دەپ ويلادىم.

رەسەيدىڭ تاريحى وتە كۇردەلى. ونداعى جاقسى كۇندەردى انىقتاۋ قيىن. ۇنەمى ەلدى نىعايتۋ، جەردى كەڭەيتۋ.

مەنەن رەسەيدىڭ 20 جىلدان كەيىنگى ءومىرى قالاي بولاتىندىعى جايلى سۇراسا، ناشار دەپ ايتۋعا اۋىزىم بارمايدى.

رەسەيدىڭ باستى ماسەلەسى حالىقتى ساياساتتان ءبولىپ تاستاۋىندا.

ناعىز كوشباسشى – ناقتى، كۇشتى، ومىرشەڭ وپپوزيسيانى ۇستانا الاتىن ادام. قازىرگى رەسەي باسشىلارىنىڭ نەگىزگى قاتەلىگى – وسى ماسەلەنى تۇسىنە الماۋىندا. قىسقاشا ايتقاندا، ولار وپپوزيسيانى جاقسى كورمەيدى.

ەركىندىكتىڭ جولىمەن ءجۇرۋ كەرەك.

امەريكالىقتار وتە ورەسكەل قاتەلىك جاسادى. ولار بارىنەن بۇرىن بىزگە دەموكراتيالى جانە ءادىل بولاتىن الەمدىك ءتارتىپ كەرەك دەپ جالپى جۇرتقا جار سالدى. ول ءۇشىن باتىلدىق پەن بىلەكتىلىك قاجەت. ءدال وسىنداي شەشىمدەر ادامنىڭ بەت-بەينەسىن ايقىن كورسەتەدى.

قازىرگى تاڭدا بۇكىل الەمنىڭ وزگەرۋىنە سەبەپ بولامىن دەپ وتىرعان ەۋروپانىڭ ءوزىنىڭ ىشكى جاعدايىن رەتتەي الماي وتىرعانىنا قارنىم اشيدى.

سوڭعى كۇندەرى مەندە ءبىر ءتۇرلى جاعدايلار بولىپ ءجۇر: ەكىنشى قاباتتان ءبىرىنشى قاباتقا ءبىر زاتتى الۋعا نەمەس ءبىر نارسە ىستەۋگە تۇسەمىن دە سول ساتتە ءبىرىنشى قاباتقا نە سەبەپتى كەلگەنىمدى ۇمىتىپ قالامىن.

مەن ءوپتيميستپىن. بارلىق اڭگىمەمدى مەن وسى سوزبەن اياقتايمىن. 

اۋدارعان: نازەركە لابيحان