قىزىلوردالىق گۇلبانۋ ءازىمحان «ميسس قازاقستان-2016» اتاعىن جەڭىپ الدى دەپ حابارلايدى Tengrinews.kz. قازاقستاننىڭ ەڭ سۇلۋ ارۋىنا ءتاجدى ءماجىلىس دەپۋتاتى، قازىلار القاسىنىڭ مۇشەسى زاعيپا بالييەۆا كيگىزدى. تاجبەن قوسا، جەڭىمپازعا 5 ميلليون تەڭگە مەن «الەم ارۋى-2017» بايقاۋىنا جولداما تابىس ەتىلدى.
ءبىرىنشى ورىندى «استانا ارۋى» ەلناز نۇرسەيتوۆا يەمدەندى. ەكىنشى ورىندى كوكشەتاۋلىق جانار نايمانبايەۆا جەڭىپ الدى، كوشباسشى ۇشتىكتى «وسكەمەن ارۋى» اناستاسيا ۋسولسيەۆا ءتامامدايدى.
قازىلار القاسىنىڭ قۇرامىندا ءماجىلىس دەپۋتاتى زاعيپا بالييەۆا، ريو وليمپياداسىندا كۇمىس جۇلدەگە يە بولعان ۆاسيليي ليەۆيت، «Elle Kazakhstan» باس رەداكتورى كارينا يسكاكوۆا، «استانا وپەرا» تەاترىنىڭ ديرەكتورى تۇرسىنبەك نۇرقالييەۆ، «التىن وردا» كومپانياسىنىڭ باسشىسى ىرزا تۇرسىنزادا، استانانىڭ ءماسليحات دەپۋتاتى اسحات ورالوۆ جانە اكتەر، شوۋمەن انۋار نۇرپەيسوۆ بار.
ۇزدىك سەگىزدىككە 19 جاسار گۇلجان داۋلەتوۆا، «ميسس استانا-2016» 18 جاسار ەلناز نۇرسەيتوۆا، كوكشەتاۋلىق جانار نايمانبايەۆا، 19 جاسار ايتكۇل نۇرمانوۆا، «قىزىلوردا ارۋى» گۇلبانۋ ءازىمحانوۆا كىردى.
كونكۋرستىڭ ەڭ كىشكەنتاي قاتىسۋشىسى – 16 جاسار ارۋنا ساعاتبەكوۆا. №5 مەكتەپ-ليسەيىنىڭ وقۋشىسى.
«ميسس قازاقستان-2016» بايقاۋىندا كۇتپەگەن جاعدايلار دا بولدى. اتالمىش كونكۋرستىڭ جۇرگىزۋشىسى سۇندەت بايعوجين قاتىسۋشى قىزعا ۇيلەنۋگە ۇسىنىس جاسادى. ونىڭ تاڭداۋى اتىراۋلىق 19 جاسار ارۋ ايتكۇل نۇرمانوۆاعا ءتۇستى.
«ميسس قازاقستان-2016» بايقاۋىنا 25 ارۋ قاتىستى. كونكۋرس استانا قالاسىندا ءوتتى.
پىكىر قالدىرۋ