فەيسبۋك قولدانۋشىسى، قوعام بەلسەندىسى جانىبەك قوجىق الەۋمەتتىك جەلى ارقىلى ەسترادالىق باعىتتاعى داڭعازا انشىلەر مەن سايقىمازاقتاردى جۇلدىزعا اينالدىرىپ، ءجون-جوسىقسىز جارنامالاۋعا قارسى ۇندەۋ جاسادى، - دەپ حابارلايدى Qamshy.kz.

«ارداقتى اعايىن! 
قۇرمەتتى جۋرناليستتەر، تىلشىلەر، بولوگەرلەر، الەۋمەتتىك جەلىنىڭ بارلىق قولدانۋشىلارى! بۇل ۇندەۋدى سىزدەرگە ارنايمىن!
2017 جىلى 1 قاڭتاردان باستاپ ەسترادالىق باعىتتاعى داڭعازا، جىلاۋىق انشىلەر مەن سايقىمازاقتاردى ماداقتاپ، ولاردى جۇلدىزعا اينالدىرىپ، الگىلەردىڭ ونەرىن، ءومىرىن جاستارعا ۇلگى ەتىپ كورسەتۋدى دەرەۋ توقتاتۋ قاجەت!
قازىرگى كەزدە بارلىق تەلەارنالاردىڭ باعدارلامالارى انشىلەردىڭ جەڭىل-جەلپى شوۋ، ماعاناسىز ويىنىنا اينالىپ بارادى.
بۇل بولاشاق ۇرپاقتىڭ تاربيەسىنە كەرى اسەرىن تيگىزۋدە. كەيبىر ەسترادالىق باعىتتاعى انشىلەرىمىز جاستاردى وزدەرىنە ەلىكتەتىپ ەرتىپ الدى.
ەر ازاماتتىڭ قۇلاعىنا سىرعا تاعىپ، ەرىندەرىن بوياپ، قاتىنشا كيىنىپ، ساxناعا شىعۋى، ەل ارالاۋى، ولاردى جۋرناليستتەردىڭ xالىققا كورسەتىپ وتىرۋىنىڭ سەبەبىن تۇسىنبەدىم.
ول ازداي ەسترادانىڭ ءانشى «شالدارى» ءبىر-بىرىنىڭ اۋىزدارىن جالاپ، ءسۇيىسىپ ويىن كورسەتۋى ءتىپتى ۇيات، ماسقارا! ۇلتتى قورلاۋ!
ەندىگى جەردە ولاردى تەلەەكرانعا شىعارۋعا، گازەت-جۋرنالدارعا جارنامالاۋدى توقتاتۋ كەرەك! انشىلەردىڭ ىشكەنىن-جەگەنىن، توقال الىپ، توي جاساعانى xالىققا نە قاجەت؟! 
كەيبىر اعايىندار، بالالارى ۇيلەنگەندە بانكتەن نەسيە الىپ، الگى انشىلەردى تويىنا ءبىر ءان ايتىپ كەتۋگە 1 ميلليون تەڭگە بەرىپ شاقىرتادى. سودان كەيىن ءانشى قۇتىرماعاندا، كىم قۇتىرادى؟! قايتا سول اقشانى جاس شاڭىراقتىڭ كەرەك-جاراعىنا جۇمساماي ما؟
ارينە، مەن بۇل جەردە ءداستۇرلى انشىلەرىمىز بەن ونەر سالاسىندا ەڭبەگى سىڭگەن ابىرويلى اعا-اپالارىمىزدى ايتىپ وتىرعان جوقپىن! 
قۇرمەتتى قولىنا قالام، ميكروفون ۇستاعان جۋرناليستتەر قاۋىمى، الەۋمەتتىك جەلىدە پايدالانۋشى دوستارىم!
ەگەر دە ءسىز ەلىمىزدىڭ بولاشاق تاعدىرىن ويلاساڭىز، وندا سىزدەر تەك انشىلەردى ەمەس، جاس عالىمداردى، ونەرتاپقىشتاردى، xالىقارالىق عىلىمي وليمپيادالاردان باس جۇلدە الىپ جۇرگەن بالالاردى ناسيxاتتاڭدار! 
ەلدىڭ ەرتەڭى قۇلاعىنا سىرعا تاققان انشىلەردىڭ قولىندا ەمەس، ەلدىڭ بولاشاعى جاس عالىمداردىڭ قولىندا ەكەنىن ۇمىتپايىق، اعايىن! 
ەل بولامىن دەسەڭ بەسىگىڭدى تۇزە!»، - دەپ جازادى جانىبەك قوجىق.