بۋداپەشتتەگى ۇلتتىق جاراتىلىستانۋ مۋزەيىندە قالپىنا كەلتىرىلگەن ۇلت-ازاتتىق قوزعالىس باتىرى كەيكىنىڭ (نۇرماعامبەت كوكەمباي ۇلى) باسى ەلگە جەتكىزىلدى. بۇگىن الەۋمەتتىك جەلىدە تاريحشى بەرىك ءابدىعالي ۇلى باتىردىڭ باس سۇيەگىنىڭ سۋرەتىن جاريالادى، - دەپ حابارلايدى Qamshy.
تاريحشىنىڭ ايتۋىنشا، سۋرەت باتىردىڭ باسسۇيەگى نەگىزىندە سالىنعان. سۇيەككە ۆەنگريالىق عالىمدار ءتيىستى زەرتتەۋلەر جاساعان. ءسويتىپ، ۇلت-ازاتتىق كوتەرىلىستىڭ 100 جىلدىق مەرەيتويىنا تاماشا تارتۋ – باتىردىڭ شىنايى بەت-بەينەسى قالپىنا كەلتىرىلىپ وتىر.
ەستەرىڭىزگە سالساق، بۇعان دەيىن رەسەيدەن اكەلىنگەن كەيكىنىڭ باس سۇيەگى ۆەنگرياعا جىبەرىلگەن بولاتىن. وندا ماجارلىق عالىمدار باتىردىڭ باس سۇيەگى ارقىلى كومپيۋتەرلىك انتروپولوگيالىق ءپىشىنىن جاساپ، كەيىن مۇسىندىك كەسكىنىن قاعازعا ءتۇسىردى.
باتىردىڭ باس سۇيەگى تۋعان جەرىنە ارۋلاپ جەرلەنەدى.
