قازاقستاننىڭ باس پروكۋراتۋراسى مۇحتار ءابلازوۆتىڭ بوساپ شىعۋىنا بايلانىستى مالىمدەمە جاسادى. بۇل تۋرالى "قامشى" پورتالى پروكۋراتۋرانىڭ باسپا ءسوز قىزمەتىنە سىلتەمە جاساپ حابارلايدى.

«قىلمىستىق ءىستى تەرگەۋ اياقتالعان جوق. ويتكەنى، ءابىليازوۆ جانە ونىڭ ءبىرقاتار سىبايلاستارى  سوت ادىلدىگىنەن جالتارىپ كەتتى. قىلمىستىق ءىس جۇرگىزۋ زاڭناماسىنىڭ تالاپتارىنا سايكەس، ايىپتالۋشى تۇلعالاردى  قۇقىققورعاۋ ورگاندارى تارابىنان قىلمىستىق قۋدالاۋ - ونى سوتقا تاپسىرعانعا دەيىن جالعاسۋى ءتيىس. سوندىقتان قازاقستان باس پروكۋراتۋراسى قاي يۋريسديكسيادا بولسا دا ايىپتالۋشىلاردى ۇستاۋ، تەرگەۋدى اياقتاۋ، ءادىل سوت تورەلىگىن قامتاماسىز ەتۋ جانە كەلتىرىلگەن شىعىننىڭ ورنىن تولتىرۋ  ءۇشىن زاڭدا كوزدەلگەن بارلىق شارالاردى قابىلدايتىن بولادى»، - دەلىنگەن مالىمدەمەدە.

ابلازوۆپەن ونىڭ سىبايلاستارى 7،5 ملرد. دوللاردان استام قارجى جىمقىرعان. ابلازوۆكە قاتىستى قىلمىستىق ءىس 160-تان اسا ەپيزودتان تۇرادى. 

ەستەرىڭىزگە سالا كەتەيىك، 2016 جىلدىڭ 9 جەلتوسانىندا فرانسيا رەسپۋبليكاسىنىڭ مەملەكەتتىك كەڭەسى (جوعارى اكىمشىلىك ينستانسيا) فرانسيا پرەمەر-مينيسترىنىڭ ءابلازوۆتى رەسەيگە ەكستراديسيالاۋ تۋرالى شەشىمىن جويعان.