ق ر ءماجىلىس دەپۋتاتى ارتۋر پلاتونوۆ، 14 جاسقا تولماعان بالالاردى جىنىستىق قاتىناسقا ماجبۇرلەگەن پەدوفيلدەر، قىلمىسىن قايتالاعان جاعدايدا ءومىر بويى باس بوستاندىعىنان ايىرۋدى ۇسىندى. دەپۋتاتتىق ساۋالىن ق ر پرەمەر-مينيسترى باقىتجان ساعىنتايەۆقا جولدادى دەپ حابارلايدى qamshy.kz.
«باقىتجان ءابدىر ۇلى، 14 جاستان كىشى بالالاردى جىنىستىق قاتىناسقا ماجبۇرلەۋ قىلمىسىن ەكىنشى مارتە قايتالاعانداردى ءومىر بويى باس بوستاندىعىنان ايىرۋدى قاجەتتى مينيسترلىكپەن مەكەمەلەرگە تاپسىرۋىڭىزدى سۇرايمىن» دەدى ارتۋر پلاتونوۆ.
بۇعان دەيىن ءماجىلىس دەپۋتاتى، بالا قۇقىقتارى جونىندەگى ۋاكىل زاعيپا بالييەۆا پەدوفيلدەردى ءولىم جازاسىنا كەسۋدى ۇسىنعان. الايدا ق ر پارلامەنتى سەناتىنىڭ دەپۋتاتى داريعا نازاربايەۆا حالىقارالىق كونۆەنسياعا سايكەس ونداي شەشىم قابىلدانباۋى مۇمكىن ەكەنىن ايتتى.
دەسەك تە، 2018 جىلدان باستاپ پەدوفيلدەردى حيميالىق جولمەن پىشتىرەتىن بولادى.
2016 جىلدىڭ ءساۋىر ايىندا پرەزيدەنت نۇرسۇلتان نازاربايەۆ «بالالاردىڭ قۇقىعىن قورعاۋ ماسەلەلەرىنە قاتىستى وزگەرتۋلەر مەن تولىقتىرۋلار ەنگىزۋ تۋرالى» زاڭعا قول قويعانىن ەسكە سالامىز. سوعان سايكەس، 2018 جىلدان باستاپ قىلمىستىق ءىستى تەكسەرۋ بارىسىندا ايىپتالۋشى پسيحولوگيالىق ساراپتامادان وتەدى. ەگەر ونىڭ كامەلەتكە جاسقا تولماعاندارعا اۋەستىگى بار اۋىتقۋشىلىعى راستالسا، حيميالىق جولمەن پىشتىرىلەتىن بولادى.
