تاجىكستانداعى ۇلتتىق بانكىنىڭ باسشىلىعى 1000 ءسومونيدى پرەزيدەنتى ەمومالي راحموننىڭ سۋرەتىمەن باسىپ شىعارايىق دەگەن يسفارا قالاسىنداعى تۇرعىنداردىڭ ءوتىنىشىن قابىل العاندىعى جايلى ozodi.org حابارلايدى، ماقالانىڭ قازاقشا نۇسقاسىن قامشى پورتالى وقىرمان نازارىنا ۇسىنادى.

بانك ديرەكتورى دجامشەد نۋرمۋحاممادزودا بۇل ويدىڭ اۆتورى №15 ورتا مەكتەپتىڭ وقىتۋشىسى حاسانبوي اسادوۆقا جولداعان حاتىندا: «بۇل ماسەلەنى ءقازىر ماماندار قاراپ جاتىر»، - دەپ مالىمدەدى.

حاسانباي اسادوۆ 14 جەلتوقسان كۇنى وزودي راديوسىنا بەرگەن سۇحباتىندا ءبىر جىل بۇرىن بانكنوتانىڭ ۇلگىسىن جاساپ، ۇلتتىق بانك اكىمشىلىگىنە حات جولداعاندىعى جايلى ايتقان بولاتىن. ول ۇلگى بويىنشا، جاڭا اقشانىڭ ءبىر بەتىندە ەمومالي راحموننىڭ سۋرەتى، ال ەكىنشى جاعىندا تاجىكستاننىڭ  جوعارعى ۇكىمەتىنىڭ 16-شى «تاريحي» سەسسياسى وتكەن اربوب سارايىنىڭ سۋرەتى بولۋى ءتيىس.  ءدال وسى سەسسيادا ەمومالي راحمون پارلامەنت باسشىسى بولىپ تاعايىندالعان بولاتىن.

سوموني – تاجىك ەلىنىڭ ۇلتتىق ۆاليۋتاسى، 2000 جىلدىڭ 30 قازانىنان باستاپ اينالىمعا ەنگەن، ءار بانكنوتادا تاجىكتەردىڭ بەلگىلى اقىن-جازۋشىلارى، عالىمدارىنىڭ مۋرەتتەرى بەينەلەنگەن.  1 سومونيدا اقىن ءارى ساياساتكەر ميرزو تۋرسۋن-زادە؛ 3 سومونيدا مەملەكەت قايراتكەرى شيرينشو شوتەمۋر؛ 5 سومونيدا تاجىك ادەبيەتىنىڭ نەگىزىن سالۋشى سادريددين ايني؛ 10 سومونيدا فيلوسوف، اقىن مير سايد ءال-حامادوني؛ 20 سومونيدا ۇلى دارىگەر ءابۋ ءالي يبن-سينا؛ 50 سومونيدا شىعىستانۋشى جانە تاجىكستاننىڭ بايىرعا پرەزيدەنتى بوبودجون گافۋروۆ سىندى ادامداردىڭ سۋرەتتەرى بەينەلەنگەن. ال، 100، 200 جانە 500 سومونيلارسامان مەملەكەتىنىڭ ارگەسىن قالاعان يسمويل سوموني، تجاكستاننىڭ باتىرى نۋسراتۋللو ماحسۋم، تاجىك كلاسسيكالىق ادەبيەتىنىڭ كورنەكتى وكىلى ابۋ ابدۋللوح رۋداكي پورترەتتەرىمەن شىعارىلعان.

كەيبىر مامانداردىڭ ويىنشا، قازاقستان نۇرسۇلتان نازاربايەۆتىڭ سۋرەتى بەينەلەنگەن 10000 تەڭگەلىك بانكنوتانى شىعارعاننان كەيىن تاجىكستان دا مۇنداي اقشا شىعارۋ جايلى شەشىمگە  كەلگەن. 

اۋدارعان: نازەركە لابيحان