مەملەكەت باسشىسى نۇرسۇلتان نازاربايەۆ ءوزىن باقىتتى ساياساتكەر دەپ اتاپ، بيلىككە كەلگەن ساياساتكەردىڭ نە جايلى ويلاۋى كەرەك ەكەنىن ايتىپ بەردى، - دەپ حابارلايدى Tengrinews.kz ءتىلشىسى.

"ەلدەگى جوعارى بيلىككە كەلگىسى كەلەتىن ادام نەمەن، قانداي جوسپارلارمەن كەلەتىنىن، نە ىستەگى كەلىپ، مەملەكەت پەن حالىقتى قانداي بيىككە كوتەرە العىسى كەلەتىنىن ناقتى ءبىلىپ كەلۋى كەرەك. ەگەر ول ۇسىنعانى. ءوز قىزمەتىن تولىق ورىنداي السا، ول باقىتتى ساياساتكەر. جاسىرماي ايتايىن، مەن سونداي ساياساتكەرمىن. سول ءۇشىن دە تاعدىرىما جانە بىرگە ەڭبەك ەتكەندەردىڭ بارىنە ريزامىن"، - دەدى نۇرسۇلتان نازاربايەۆ "حابار" تەلەارناسىنداعى "تاۋەلسىزدىك تاعىلىمى" باعدارلاماسىنىڭ قوناقتارىنا. 

مەملەكەت باسشىسى ۇزاق جاساۋ مەن ەنەرگيانى قازاقستاندى الەمدەگى ەڭ دامىعان 30 ەلدىڭ قاتارىنا ەنگىزۋگە دەگەن ارمانىنىڭ سىيلاعانىن اتاپ ءوتتى.

"ءبىز سوعان ۇمتىلامىز جانە "قازاقستان-2050" ستراتەگيامىز وسى وتىزدىققا جاقىنداۋ ءۇشىن بارلىعىن جاساپ جاتىر، بارلىعى قامتىلعان. يننوۆاسيالىق دامۋ دا، "نۇرلى جول" دا، اگرارلىق بيزنەس تە، دەنساۋلىق ساقتاۋ دا، ءبىلىم بەرۋ دە، ادام رەسۋرستارى دا - سوعان سايكەس قىلۋ ءۇشىن بارلىعىن جاساپ جاتىرمىز. سوندا ادامدار وسى وتىز ەلدەگى حالىق سەكىلدى جاقسى ءومىر سۇرەتىن بولادى. بۇل ارمان، ارمان بولسا، ءومىر ءارقاشان ۇزاق، سەبەبى سول ارمانعا قول جەتكىزۋ كەرەك. ارمان بولسا، ەنەرگيا پايدا بولادى، سول ارماندى ورىنداۋعا جۇمسالۋى كەرەك. سىزدەر مەن بىزدە سونداي ارمان بار. جۇزەگە اسىرۋ ءۇشىن تالماي ەڭبەكتەنەمىز"، - دەدى پرەزيدەنت.

ال وسى ارماندى ورىنداۋ ءۇشىن، نازاربايەۆتىڭ ايتۋىنشا، جاستارعا لايىقتى ءبىلىم بەرىپ، ەڭبەككە باۋلۋ كەرەك. 

"بۇل مەنى قاتتى الاڭداتادى، وسى زامانعى تالاپتاردىڭ دەڭگەيىنە بارلىعىمەن بىرلەسىپ قالاي شىعامىز؟ ەگەر وسى قارقىنمەن جۇمىس ىستەيتىن بولساق، 25 جىل بويى بىرلەسە، سەنىممەن جۇمىس ىستەسەك، قول جەتكىزەمىز"، - دەدى پرەزيدەنت.

"جاس بۋىنعا وسىلاي بولا سالعانداي كورىنەدى. بىرەۋدىڭ ايتقانى بار ەدى، جاماندىق تا، جاقسىلىق تا ۇمىتىلادى دەپ، وكىنىشكە قاراي، جاقسىلىق تەزىرەك ۇمىتىلادى. سوندىقتان ءبىز بۇل تۋرالى ايتىپ وتىرۋىمىز قاجەت. وسىنىڭ ءبارىن ءوز يىعىندا ارقالاپ وتكەن ادامدارعا، ونىڭ اۋىرتپالىعىن ءبارى بىلەتىندەي كورىنەدى. جوق، ءبىز جاس كەزىمىزدە اتا-انامىز نە كورگەنىن بىلدىك پە؟ سوسىن، تاريحتى وقي وتىرىپ، ءبىر نارسەلەردى تۇسىندىك، ءبىراق، جەڭىل تۇردە، باسقاشا. سوندىقتان بارشاڭىزعا ايتىلعان سوزدەر ءۇشىن العىسىمدى بىلدىرەمىن. مەن ءاربىرىڭىز: "مەن ءبارىن ايتپادىم، انانى ەسكە ءتۇسىرۋ كەرەك ەدى، مىنانى ەسكە ءتۇسىرۋ كەرەك ەدى"، دەپ ويلاپ وتىرعاندارىڭىزعا سەنىمدىمىن. مەن سىزدەردى تۇسىنەمىن. 25 جىلدىقتىڭ بيىگىندە وتىرعاندا قانداي ويلار كەلەدى؟ ەڭ الدىمەن وسىنشا كۇشپەن جەتكەندەگىمىز ءاربىر ادامنىڭ جەكە جانە جالپى حالىقتىڭ باقىتى، ويتكەنى قازاقتار مەن قازاقستاندىقتار تاريحىندا ءبىزدىڭ ازاماتتارىمىز مۇنداي ءومىر كەشپەگەن دەپ تولىق سەنىممەن ايتا الامىن. وسىنى بىرەۋ جوققا شىعارىپ كورسىنشى. 1993 جانە 2015 جىلدى سالىستىرىپ كورەيىك. ال 2015 جىل داعدارىس جىلى ەدى. ال 2014 جىلدى الساق، ءبىز 25 ەسە وستىك. ال ساتىپ الۋ مۇمكىندىگىن سالىستىرساق، قازاقستان 35 ەسەگە ءوستى. ءجىو بويىنشا دا ءدال وسىنداي كورسەتكىشتەر. ءبىز راسىمەن "ەكونوميكالىق عاجايىپقا" قول جەتكىزدىك، مۇنى مويىنداۋ كەرەك. ءبىز ادام ءومىرىن 21 ەسەگە جاقسارتتىق، ولاردىڭ تابىسىن. ءبىز 25-30 جاسقا كەلگەن جاس بۋىندا تاربيەلەدىك. بۇل بۋىن ءوسىپ، ءبىز كورگەن قيىندىقتار تۋرالى بىلمەدى، وسى اڭگىمەلەر سول ازاماتتارعا باعىتتالعان. ولاردى جاقسى ءومىرى ءبىزدىڭ ەڭبەگىمىزبەن، ءبىزدىڭ بۋىننىڭ ارقاسىندا كەلگەنىن باعالاسىن. بىزدە شەتەلگە شىعۋ مۇمكىندىگى بولعان جوق، ءبىزدى جىبەرمەيتىن"، - دەپ اڭگىمەلەدى ەلباسى.