اتى اڭىزعا اينالعان بوكسەر مۇحاممەد ءاليدىڭ وڭتۇستىك افريكانىڭ اڭىزبەن استاسقان مەملەكەت قايراتكەرى نەلسون ماندەلاعا جازعان حاتى انگليادا وتكەن اۋكسيوندا ساتىلدى، دەپ حابارلايدى «قامشى» پورتالى.
انگليانىڭ وڭتۇستىك باتىسىنداعى Devizes كەنتىندە Henry Aldridge & Son مۋزەيى جاعىنان وتكىزىلگەن اشىق ساۋدادا امەريكالىق بوكسشى مۇحاممەد ءاليدىڭ قولى قويىلعان كوڭىل ايتۋ حاتى 7 مىڭ 200 ستەرلينگكە ساتىلعان.
سپورتشى حاتتى جىكشىلدىككە قارسى كوزقاراستى ۇستانعان ساياسي پارتيا ليدەرى Chris Hani-گە جاسالعان 1993 جىلى 13 ساۋىردەگى قاستاندىققا بايلانىستى ماندەلاعا كوڭىل ايتىپ جازعان.
ايتا كەتسەك، ءومىرىنىڭ جارىستىسىنان استامىن قاپاستا وتكىزىپ، وڭتۇستىك افريكا پرەزيدەنتى بولعان نەلسون ماندەلا 2013 جىلى 95 جاسىندا ومىردەن وزدى. مۇحاممەد ءالي بولسا بيىلعى جىلى ماۋسىم ايىندا 74 دۇنيەدەن قايتتى.
