پرەزيدەنتتىك سايلاۋدا جەڭىپ شىققان دونالد ترامپتىڭ ۇكىمەتكە كەلۋى، امەريكاندىقتاردىڭ ەلدەگى وزگەرىس ورنايدى دەگەن ءۇمىتى اقتالمايدى دەگەن ويمەن ترامپ كەلىسپەيتىنىن جەتكىزدى. ول تۋرالى موبيل قالاسىنداعى (الاباما شتاتى) «USA Thank You Tour» اياسىندا ءسوز سويلەگەندە مالىمدەدى.

اقش ءبىرىنشى حانىمى ميشەل وباما وپرا ۋينفريگە بەرگەن سۇحباتىندا، ترامپتىڭ پرەزيدەنت بولىپ سايلانۋى ءوزىنىڭ جۇبايى باراك وبامانىڭ ەل باسقارعاندا جەتكەن جەتىستىكتەرى مەن امەريكاندىقتاردىڭ  «وزگەرىستەرگە دەگەن ۇمىتىنە» نۇكتە قويادى دەپ ايتقان بولاتىن.

«بىزدە كەرىسىنشە ۇلكەن ءۇمىت پەن مۇكىندىك بار. بۇل مەملەكەتتىڭ بولاشاعى زور. وسى كەرەمەت ۋاقىت ارالىعىندا ءومىر ءسۇرۋ نەتكەن عاجاپ دەسەڭىزدەرشى. سەناريي ءالى جازىلىپ بىتكەن جوق» دەدى دونالد ترامپ.

باراك وبامامەن ونىڭ جۇبايى  ترامپپەن اق ۇيدە كەزدەسكەندە ولار وزدەرىن وتە سىپايى ۇستاعان. «سوندىقتان، ەلدىڭ ءبىرىنشى حانىمى ويىن دۇرىس جەتكىزە الماعان شىعار»  دەپ ترامپ ءسوزىن اياقتادى.