بەلگىلى ءانشى تورەعالي تورەالى جەلىدە تاراپ كەتكەن جاعىمسىز سۋرەتىنە قاتىستى پىكىر ءبىلدىردى. "كەيدە ءوز بىلمەستىگىمىزدەن قاستاندىق جاسايتىن كەزدەرىمىز بولادى. سۇتتەن اق، سۋدان تازامىن دەپ ايتپايمىن. كەسەدەن باسقاعا ەرنىم تيمەدي دەپ تە ايتا المايمىن"، - دەدى ول سۋرەتتەگى جىگىتتىڭ ءوزى ەكەنىن ۇعىندىرىپ. بۇل تۋرالى شىندىق نتك ارناسىنىڭ "ريەۆيۋ" باعدارلاماسىندا بەلگىلى بولدى.
ونىڭ ايتۋىنشا، جەلىگە تاراپ كەتكەن بۇل سۋرەت بۇدان 6-7 جىل بۇرىن تۇسىرىلگەن.
دەگەنمەن، ول ءوزىنىڭ وسىنداي ساتتەرىن جەلىگە جۇكتەگەن ادامدارعا دا وكپەلى ەكەنىن جاسىرمادى.
"اقساپ قالعان، ءسۇرىنىپ، شالىنىپ قالعان جەرلەردى تابالاۋعا ىڭعايلى عوي. ءومىردىڭ ءوزى ساباق، ونى قايتالاماۋعا تىرىسامىز"، - دەدى ول.
ەستەرىڭىزگە سالساق، جەلىدە تورەعالي تورەالىنىڭ ماس كۇيىندەگى سۋرەتى تاراپ كەتىپ، جەلى قولدانۋشىلارىن دۇرلىكتىرگەن بولاتىن.
