پولشانىڭ 2017 جىلعا ارنالعان قارجىلىق قورىندا زاڭ بۇزۋشىلىقتار بار دەگەن قاۋەسەت ەلگە تارالىپ كەتكەندە، پولشا حالقى جاپپاي شەرۋگە شىقتى. ۆارشاۆا قالاسىندا مىڭداعان ادام پارلامەنت عيماراتىنىڭ الدىنا جينالدى.

ولار پولشانىڭ بيلەۋشى «پراۆو ي سپراۆەدليۆوست» (قۇقىق جانە ادىلەتتىلىك) پارتياسىنىڭ باسشىسى ياروسلاۆ كاچينينسكيمەن كەزدەسۋدى تالاپ ەتتى. الايدا، پارتيا كوشباسشىسى حالىقپەن كەزدەسۋدەن باس تارتتى. قۇقىققورعاۋ قىزمەتكەرلەرى شەرۋشىلەردى ىعىستىرىپ، ونىڭ نارازى حالىقتىڭ تالاۋىنا بەرمەي، عيماراتتان شىعىپ كەتۋىنە جاعداي جاسادى.

پولشادا بولىپ جاتقان شەرۋگە قاتىستى پولشانىڭ ىشكى ىستەر مينيسترلىگىنىڭ باسشىسى ماريۋش بلاششاك مالىمدەمە جاسادى. ول نارازىلىق شەرۋىن وپپوزيسيادان كورىپ وتىر. بۇل بيلىكتى باسىپ الۋعا باعىتتالعان ارەكەت دەگەن باعا بەرگەن. ماريۋش بلاششاك ءتىپتى كىنالى دەپ تاپقان پارتيالاردى اتادى. ولار - “گراجدانسكايا پلاتفورما”، Nowoczesną  جانە PSL.

ەگەر بۇل راسىمەن دە بيلىكتى باسىپ الۋ ءۇشىن وپپوزيسيانىڭ ۇيىمداستىرعانى بولسا، ول تاريحتا ەكىنشى مارتە جاسالعان ارەكەت رەتىندە قالادى. سەبەبى 1992 جىلى سايلاۋ ناتيجەسىنە كوڭىلى تولماعان حالىق بيلىكتى باسىپ العان ەدى.

،