«قازاقتىڭ تاڭى!»-دەپ ايتام...
قازاعىم، ەلىم - ماقتانىم!
شاباتىن تۇلپار باپتادىم...
كەلەدى اتىپ تاعى دا،
ارايلاپ، انە، اق تاڭىڭ!
جانارعا قالاي سىر تۇنا،
سىيلارما ىرىس جۇرتى ما؟
قايىرلى بولسىن، اتار تاڭ!
قايىرلى بولسىن، ۇلتىما!
«ءۇمىتتى ءقايتىپ مولايتام؟..»
جاقسى ءسوز، سوسىن كوپ ايتام!
شىنىمدى ايتسام، ءار تاڭدى:
«قازاقتىڭ تاڭى!»- دەپ ايتام!..
تاۋەلسىزدىك – بولسىن ماڭگى باياندى!…
وعان جەتەر تاعدىر جولى سان الۋان،
ول نايزاعاي، جارىق ەتەتىن ساناڭنان!
قانداي ۇلتقا بولسا دا بۇل جالعاندا:
تاۋەلسىزدىك! – ەڭ قىمباتى سانالعان!
تاۋەلسىزدىك - جاراتقاننان سىي بولەك!
تاۋەلسىزدىك – باستان كەشەر كۇي بولەك!
تاۋەلسىز ەل ۇرپاقتارى قاشان دا
بار ارمانىن العا قاراي سۇيرەمەك!
تاۋەلسىزدىك – جۇرەك تەربەر اياۋلى،
ابايسىز دا وعان سالما قاياۋدى!..
قالاي، ءقايتىپ، قونسا داعى قازاققا...
تاۋەلسىزدىك – بولسىن ماڭگى باياندى!..
جۇماش كەنەباي
14.12.2016 جىل.
