«ءبىز قازاقتىڭ ايتىس ونەرى مەن بۇركىتپەن اڭ اۋلاۋ ءتارىزدى داستۇرلەرىن يۋنەسكو-نىڭ تىزىمىنە ەنگىزۋ ءۇشىن جۇمىس ىستەۋدەمىز. ال اتالعان ۇيىمنىڭ اتاۋلى كۇندەر تىزبەسىنە سەمەي پوليگونى مەن ارالدى قۇتقارۋ قورىنىڭ قۇرىلعان كۇندەرىن ەنگىزۋدى جوسپارلاپ وتىرمىز. يۋنەسكو ۇلتتىق كوميسسيالارىنىڭ ءبىرىنشى ءوڭىرارالىق كەڭەسىنىڭ قازاقستاندا ءوتىپ جاتقانىن پايدالانىپ ءبىراز ىستەردى قولعا الماقپىز»، - دەدى ا.مۇحامەدي ۇلى.
ايتا وتەيىك، الداعى 22-24 شىلدەدە استانا قالاسىندا يۋنەسكو ىستەرى جونىندەگى ۇلتتىق كوميسسيالارىنىڭ ءبىرىنشى ءوڭىرارالىق كەڭەسى وتەدى. قازاقستان بۇل ۇيىمعا 1992 جىلدان بەرى مۇشەلىك ەتىپ كەلەدى. ۇيىمنىڭ شتاب پاتەرىندە قازاقستاننىڭ ارنايى جانە تۇراقتى وكىلى بار. قازىرگى ۋاقىتتا بۇل قىزمەتتى بەلگىلى قوعام قايراتكەرى ولجاس سۇلەيمەنوۆ اتقارىپ كەلەدى. ال ۇيىمنىڭ قازاقستانداعى كوميسسياسىن استانا قالاسىنىڭ اكىمى يمانعالي تاسماعامبەتوۆ باسقارعان بولاتىن. قازىرگى ۋاقىتتا (وسى جىلدىڭ 30 ساۋىرىنەن بەرى – اۆت.) ق ر مادەنيەت ءمينيسترى ارىستانبەك مۇحامەدي ۇلى باسقارادى.
نۇرسەرىك جولبارىس
baq.kz
