يران يسلام رەسپۋبليكاسىنىڭ ءدىني ليدەرى اياتوللا الي حامەنەي الەمدەگى بارشا مۇسىلماندارعا ساۋد ارابياسىنداعى ەكى باستى قالا – مەككە مەن مەديناعا قالالرىن ءوز قاراماعىمىزعا الۋ كەرەك دەپ مالىمدەمە جاسادى. 

حامەنەي 2015 جىلى مىڭداعان قۇلشىلىق ەتۋشىلەر كوز جۇمعان قاجىلىقتىڭ ۇيىمداستىرىلۋىن  ساۋد ارابياسىنا تاپسىرعان بولاتىن. قاجىلىققا بارعانداردىڭ باسىم بولىگى يران ەلىنەن كەلگەندەر ەكەن دەپ حابارلايدى rosbalt.ru. مالىمەتتىڭ قازاقشا نۇسقاسىن قامشى پورتالى وقىرمان نازارىنا ۇسىنادى.

«قاجىلىقتى تۋريستىك ساياحاتقا اينالدىرعاندار، ءدىندى ساياساتقا ارالاستىرىپ، يران ەلىنىڭ دۇشپاندارىن جاسىرعاندار – اقش سەكىلدى ۇلكەن سايتانىڭ دولى بولماعاندىعىن ۋايىمدايتىن قورقاق جىندار سەكىلدى»، - دەپ مالىمدەدى ول.

«2015 جىلداعى قازالى وقيعا وزىنەن-وزى بولعان جوق. استارىنا قارايتىن بولساق، سول وقيعا ەر-رياد پەن سينونيستەرمەن دوستىق قارىم-قاتىناس ورناتقان ۋاقىتتا بولدى. ساۋد ارابياسىنداعى ادامدار  تاۋەلسىزدىكتى اڭساعان پالەستينا حالقىنىڭ قىرعىنى جايلى ۇمىتىپ كەتتى»، - دەدى اياتوللا.

2016 جىلى قاجىلىققا بارۋ ءۇشىن يران ەلىنە قاراجات بولىنبەگەنىن تىلگە تيەك ەتە وتىرىپ، بۇل قاسيەتتى ەكى قالانى «قىزعانشاق، ۇياتسىز تيرانداردىڭ» قولىنان الىپ، الەمدەگى بارشا مۇسىلمانداردىڭ قاراماعىنا بەرۋ قاجەت  دەپ ەسەپتەدى.

اۋدارعان: نازەركە لابيحان