شۆەيساريانىڭ سيۋريح كەنتىندە مەشىتكە شابۋىل جاسالىپ، 3 ادام جارالانعان. جەرگىلىكتى پوليسيا تاراتقان اقپاراتقا ساي، كىسى ءولىمى ورىن المادى.

شابۋىلداۋشى 30 جاستاعى ازامات بولعان. جارالانعان ازاماتتار بولسا 30، 35، 56 جاستاعى ازاماتتار.

وقيعا وتكەننەن كەيىن تاياۋ ماڭنان بەلگىسىز ادامنىڭ  ءمايىتى تابىلعان. ازىرگە ءولىمنىڭ مەشىتكە جاسالعان شابۋىلمەن قاتىسى بار-جوعى انىقتالىپ جاتىر.

Habertürk تاراتقان اقپاراتقا ساي، مەشىتكە ءجيى كەلەتىندەر تۇرىك بولعان. ءارى مەشىتتى بۇرىنىراق تۇرىكتەر اشقان. قازىرگى ۋاقىتتا سومالي ەلىنىڭ ازاماتتارى مەشىت اكىمشىلىگىندە ەكەن. جارالانعان ازاماتتار دا سومالي ازاماتتارى بولىپ شىقتى.

وقيعا ورىن العان Islamisches Zentrum مەشىتى عيباداتقا ۋاقىتشا جابىلىپ، پوليسيا تاراپىنان مورلەندى. قازىرگى ۋاقىتتا قىلمىستىڭ انىق-قانىعى تەكسەرىلىپ جاتىر.