القا مۇشەسىنىڭ 270 جۋىعى ترامپقا داۋىس بەردى. بۇل جەڭىسكە جەتۋ  ءۇشىن بەرىلەتىن ەڭ  از كورسەتكىش.

تەحاس شتاتى سايلاۋشىلارىنىڭ داۋسى دونالد ترامپتىڭ جەڭىسكە جەتۋىنە كومەكتەستى. بارلىعى 38 سايلاۋشى، ونىڭ 36 ءوز داۋسىن ترامپقا بەرگەن.

تاعى ەكەۋى رەسپۋبليكالىق پارتيانىڭ باسقا مۇشەلەرىنە داۋىس بەردى.

ترامپتى العاش جەڭىسىمەن قۇتتىقتاعان – اقش ۆيسە-پرەزيدەنتى مايك پەنس. ول «تۆيتتەردە» ترامپتىڭ رەسمي تۇردە اقش پرەزيدەنتى بولعانىن جازدى.

سايلاۋشىلاردىڭ داۋىس بەرۋى دونالد ترامپتىڭ پرەزيدەنتتىك سايلاۋدا جەڭىسكە جەتكەنىنە قارسىلىق ءبىلدىرۋ جاعدايىندا ءوتتى. ترامپتىڭ قارسىلاستارى سايلاۋشىلاردى باسقا ۇمىتكەرگە داۋىس بەرۋگە شاقىردى.

جالپى سايلاۋشىلار القاسىندا - 538 داۋىس. ءار شتاتتا حالىقتىڭ سانىنا قاراي سايلاۋشىلار داۋىس بەرەدى. ترامپ 8 قاراشادا كوپتەگەن ءىرى شتاتتاردا جەڭىسكە جەتكەن.

دەموكراتيالىق پارتيانىڭ كوشباسشىسى حيللاري كلينتون سايلاۋشىلاردىڭ داۋىس بەرۋىنەن كەيىن ءوزىنىڭ جەڭىلىس تاپقانىن مويىندادى. وعان سايلاۋشىلاردىڭ كوبى داۋىس بەرگەن.