حيرۋرگتار، پروستاتيت راگىنىڭ باستاپقا كەزەڭىندە ەمدەيتىن جاڭا ءادىس تۋرالى مالىمدەدى دەپ حابارلايدى bbc.com. ول بويىنشا ىسىكتى لازەر ارقىلى جويىپ، سۋدىڭ تەرەڭ تۇبىندەگى باكتەريالاردىڭ نەگىزىندە جاسالىناتىن ارنايى دارىمەن ەمدەيدى. اتالمىش ءادىس 413 ەر ازاماتقا تاجىربيە رەتىندە قولدانىلدى. ولاردىڭ جارتىسىنا جۋىعىندا اۋرۋدىڭ ءىزى دە قالماعان.

جاڭا ەمدەۋ ءادىسىنىڭ كەرى اسەرى دە جوق. ءداستۇرلى ەمدەۋ ءادىسى -  حيرۋرگيا مەن ساۋلەلىك تەراپيا ادەتتە يمپوتەنسيا مەن تەجەي الماۋعا الىپ كەلەدى. سوندىقتان ونكولوگيالىق اۋرۋعا ۇشىراعان ەر ادامدار بىردەن ەمدى باستاپ كەتپەي، ىسىكتىڭ اگرەسسيۆتى تۇردە دامۋ مۇمكىندىگىن باقىلايدى.

مەديكتەر، جاڭا ءادىس جاعدايدى تولىقتاي وزگەرتەتىنىنە سەنىمدى.

جاڭا ەمدەۋ ءادىسىنىڭ اياسىندا قولدانىلاتىن ءدارى تەڭىز تۇبىندە، قاراڭعىدا وسەتىن باكتەريالاردىڭ نەگىزىندە جاسالىنادى.

لازەر ىسىككە قاراي بەتتەيدى دە ولارعا جارىق تۇسكەننەن كەيىن، باكتەريالار جاندانا تۇسەدى دە راك كلەتكالارىن ولتىرەدى.

ەمدەۋدىڭ اتالعان ءادىسى تەك اۋرۋدىڭ باستاپقى كەزەڭىندە قولدانىلادى. ءقازىر ول ەۋروپادا سىنالىپ جاتىر.

جىل سايىن بريتانيادا 46 مىڭ ەر ادامدا پروستاتيت راگىمەن اۋرادى. ونىڭ 11 مىڭعا جۋىعى ودان قايتىس بولادى.