وتكەن اپتادا ەكى بەلگىسىز باتىستىق تۋريستەردىڭ يندونەزيا ارالدارىندا ۇرلىق ىستەگەندەرى ءۇشىن ايىپتالىپ، «ماسقارا» دەپ اتالاتىن شەرۋدە جۇرت الدىندا ءجۇرىپ ءوتتى.
سۋرەتتە گيلي تراۆانگان ارالىندا كۇشتىك قۇرىلىمدارىنىڭ جەتەكتەۋىمەن موينىنا قاعاز اسىنعان شەتەلدىك ايەل مەن ەر ادام.
ول قاعازدا: «مەن ۇرىمىن. مەنىڭ ىستەگەنىمدى قايتالاماڭدار!» دەپ جازىلعان.
بۇل گيلي ارالدارىندا كوپ جىلدان بەرى قولدانىلىپ جۇرگەن تاجىريبە بولعانىمەن، ونىڭ ناقتى نەدەن شىققانى انىق ەمەس.
الەۋمەتتىك جەلىلەردە بۇل سۋرەتتەر پايدا بولعان سوڭ، Facebook بەتتەرىندە بۇل ەرەكشە سالت جايلى ايتىپ بەرۋىن كوپتەگەن ادامدار سۇراپ، قىزىعۋشىلىق تانىتتى.
باتىس شاعىن زوند ارالدارى پروۆينسياسىنىڭ تۋريزم كەڭسەسىنىڭ باستىعى لالۋ مۇحامماد فاۋزال BBC-گە بەرگەن سۇحباتىندا: "جەرگىلىكتى تۇرعىندار مەن پوليسەيلەردىڭ كەلىسىمىمەن بولعان شەرۋ قىلمىس جاساۋشىلارعا ۇلگى بولسىن دەگەن نيەتپەن جاسالادى"، – دەدى.
مۇنداي جۇرىستەردىڭ كوبىسى گيلي تراۆانگانداعى ءىرى جانە دامىعان ءۇش ارالدا، باليدەن شىعىسقا قاراي 40 شاقىرىم بولاتىن لومبوك جاعالاۋىندا بولىپ تۇرادى.
«مۇنداي شەرۋلەر ناتيجەلى بولىپ كەلەدى. ويتكەنى ارالداردا قىلمىس سانى از جانە شەرۋدەگى ادامداردىڭ كوبىسى جەرگىلىكتى تۇرعىندار، كەيدە اقشالارى تاۋسىلىپ، ۇرلاۋعا ءماجبۇر بولاتىن تۋريستەر دە بار»، – دەيدى فاۋزال.
اۋدارعان شايحى مارال
