سيۋريح قالاسىنىڭ يسلام ورتالىعىندا بەلگىسىز ەر ادام عيبادات جاساپ جاتقان ادامداردى اتقان دەپ حابارلايدى اتS اگەنتتىگى. وندا 10 ادام بولعان. عيبادات جاساعانداردىڭ كوبى سولتۇستىك افريكا، سومالي جانە ەريترەي ەلدەرىنەن كەلگەندەر. 30، 35 جانە 56 جاستاعى ءۇش ەر ادامعا وق ءتيىپ، اۋىر جاراقات العان. ولار اۋرۋحاناعا جەتكىزىلدى.  

جەرگىلىكتى قۇقىققورعاۋ ورگاندارىنىڭ مالىمەتىنشە، شابۋىل جەرگىلىكتى ۋاقىت بويىنشا 17.30 بولعان. ءقازىر پوليسيا وقيعا ورنىنان قاشىپ كەتكەن ادامدى ىزدەستىرىپ جاتىر.

كۋاگەرلەردىڭ ايتۋى بويىنشا، قاسكۇنەم جاقىن جەردە ورنالاسقان ورتالىق تەمىر جول ۆوكزالىنا قاراي بەتتەگەن.

شابۋىل بولعان يسلام ورتالىعى كوبىنە مەشىت رەتىندە پايدالانىلادى. ايگاسسە كوشەسىندە ورنالاسقان يسلام ورتالىعى قورشاۋعا الىندى.

كۋاگەرلەردىڭ ايتۋىنشا، شابۋىل جاساعان ەر ادامنىڭ جاسى 30-داردا. ول قارا ءتۇستى كيىمدە بولعان. باسىنا توقىلعان مالاقاي كيگەن.

يسلام ورتالىعىنان بىرنەشە مەتردە ءولى ادامنىڭ دەنەسى تابىلعان. ول اتىس كەزىندە قايتىس بوعانى نەمەسە باسقا جاعدايدا كوز جۇمعانى تەكسەرىلىپ جاتىر.

شابۋىلدىڭ ماقساتى ءالى بەلگىسىز.

شۆەيساريادا 8 ميلليون ادام تۇرادى. ونىڭ 450 مىڭى مۇسىلماندار.