شاتىر قۇلاعان كەزدە مۇز ايدىنىنىڭ ىشىندە ەشكىم بولماعان دەپ حابارلايدى informburo.kz، مالىمەتتىڭ قازاقشا نۇسقاسىن قامشى پورتالى وقىرمان نازارىنا ۇسىنادى.

جابىق مۇز ايدىنى 19-شاعىن اۋدانداعى كوپ قاباتتى ۇيلەردىڭ اۋلالارىنىڭ بىرىندە ورنالاسقان. جەرگىلىكتى تۇرعىنداردىڭ كوپ بارىپ، وينايتىن جەرى بولعان. اپاتتىق جاعداي تۇسكى ۋاقىتتا بولعان، ول كەزدە مۇز ايدىنىنىڭ ىشىندە ەشبىر جان بولماعان. سولتۇستىك قازاقستاننىڭ تجك حابارلاعانداي، اپات جايلى سيگنال 13:30-دا كەلىپ تۇسكەن.

«مۇز ايدىنى جۇمىس جاساپ تۇرعانىنا قاراماستان، اپات بولعان كەزدە ايدىندا ەشكىم بولماعان. باقىتىمىزعا وراي، جاپا شەككەن جاندار جوق»، - دەپ مالىمدەدى باسپا ءسوز باسشىسى ەۆگەنيي جۋراۆليەۆ.

ونىڭ ايتۋىنشا، مۇز ايدىنىنىڭ شاتىرى مەتاللدان جاسالعان.

«ءقازىر اپاتتىڭ سەبەبى  انىقتالىپ جاتىر»، - قوسا كەتتى ەۆگەنيي جۋراۆليەۆ.

مۇز ايدىنى 2014 جىلى دەمەۋشىلەردىڭ كومەگى ارقىلى سالىنعان ەكەن.