ماجىلىسمەن مۇحتار تىنىكەيەۆ تۋرالى داۋلى ۆيدەونىڭ تۇسىرىلگەن ۋاقىتى بەلگىلى بولدى، - دەپ حابارلايدى Tengrinews.kz.

وسىعان دەيىن تىنىكەيەۆ nv.kz باسىلىمىنىڭ تىلشىلەرىنە بۇل روليكتىڭ ەكى جىل بۇرىن تۇسىرىلگەنىن مالىمدەگەن بولاتىن. "بۇل ەسكى ۆيدەو. ەكى جىل بۇرىن بولعان. بۇل ءازىل"، - دەپ جاۋاپ بەرگەن ەدى تىلشىگە دەپۋتات.

تەلەديداردا "ۆەستي" تەلەارناسىنىڭ مۋرمانسكىدە تۇسىرىلگەن سيۋجەتى كورسەتىلەدى. تەلەارنانىڭ سايتىندا بۇل سيۋجەت بيىل 17 جەلتوقساندا جاريا بولعان.

رەسەيلىك تەلەارنانىڭ سايتىندا جاريالانعان سيۋجەتتە رەپورتەردىڭ شاش ۇلگىسى مەن كيىمى داۋلى ۆيدەوداعى سيۋجەتتە تۇرعان ادامنىڭ شاشى مەن كيىمىنە ۇقسايدى. سونداي-اق، جاڭالىقتا كورسەتىلگەن كادرلار دا تىنىكەيەۆ تۇسىرىلگەن ۆيدەوداعى تەلەديداردا كورسەتىلەدى. سوعان قاراعاندا، تىنىكەيەۆ تۇسىرىلگەن ۆيدەوداعى وقيعا جەلتوقسان ايىنىڭ ورتاسىندا تۇسىرىلگەن. الدە رەسەيلىك تەلەارنا ءوزىنىڭ ەسكى سيۋجەتىن ەكى جىلدان كەيىن جاريالاۋدى ۇيعارعان.

ەسكە سالايىق، 20 جەلتوقساندا WhatsApp پارلامەنتتىڭ تومەنگى پالاتاسىنىڭ دەپۋتاتى مۇحتار تىنىكەيەۆكە ۇقسايتىن ادام كورسەتىلگەن بىرنەشە ۆيدەو تارادى. كادرلاردان وقيعانىڭ داستارحان باسىندا بولعانىن كورۋگە بولادى. ەكى ەر ادام تۇرىپ الىپ، جانجالداسىپ جاتادى. ماجىلىسمەن مۇحتار تىنىكەيەۆكە داۋسى دا، ءوزى دە ۇقسايتىن ادام تاعى ەكى ەر ادامنىڭ كوزىنشە بىرەۋدەن جاۋاپ الادى. دەپۋتاتقا ۇقسايتىن ەر ادام اڭگىمەلەسۋشىسىنە بىلاپىت ءسوز ايتىپ، سوققى جاسايدى.

قازىرگى ۋاقىتتا ق ر پارلامەنتىنىڭ تومەنگى پالاتاسىنىڭ دەپۋتاتى مۇحتار تىنىكەيەۆ پايدا بولعان ۆيدەوعا قاتىستى پىكىر بىلدىرمەدى. Tengrinews.kz تىلشىسىمەن الەۋمەتتىك جەلىدە بايلانىسقان ول ۆيدەونىڭ ەكى جىل بۇرىنعى ەكەنىن عانا اتاپ ءوتتى.

2016 جىلدىڭ ساۋىرىندە مۇحتار تىنىكەيەۆ "كومپيۋتەردىڭ ارعى بەتىندە تىعىلىپ وتىراتىن ينتەرنەت شۆارسنەگگەرلەرىمەن سويلەسپەۋگە تىرىساتىنىن" جانە بوكسشى گەنناديي گولوۆكيننىڭ جانكۇيەرى ەكەنىن ايتقان بولاتىن.