اقتوبەدەگى مۇناي ۇرلىعىنا قاتىستى تۇتىنداۋلار ەندى استانادا جالعاسىپ جاتىر. بۇل جولى ىشكى ىستەر مينيسترلىگىنىڭ لاۋازىمدى تۇلعاسىنىڭ قولىنا كىسەن سالىندى. كريمينالدىق پوليسيا دەپارتامەنتى باستىعىنىڭ ورىنباسارى راحات احانوۆ ءتىپتى تەرگەۋگە الۋ ءۇشىن اقتوبەگە جەتكىزىلىپ تە قويعان. وعان وسى ايماقتا قارا التىن ۇرلاۋمەن اينالىسقان توپقا قولداۋ كورسەتكەن دەگەن ايىپ تاعىلىپ وتىر دەپ حابارلايدى ktk.kz.
راحات احانوۆ 5 جىل بويى اقتوبەدە وبلىستىق ىشكى ىستەر دەپارتامەنتى باستىعىنىڭ ورىنباسارى بولعان. جازداعى لاڭكەستىك وقيعادان سوڭ قىزمەتىن اۋىستىرىپ، استاناعا كەتكەن ەدى. مالىمەتتەرگە قاراعاندا، احانوۆ اقتوبەدەگى قارا التىن ۇرلاعان مافيانىڭ ارەكەتىنە كوز جۇمعانىمەن قويماي، مۇنايدى وتكىزۋگە كومەك بەرىپتى.وسى قىلمىستىق توپتى «اعايىندى تورتەۋدىڭ» سەركەسى ەركىن ءىزباسار باسقارعانىن ايتا كەتەيىك. ارباعا تاڭىلعان ول ءقازىر سىبايلاستارىمەن بىرگە قاماۋدا وتىر. قىلمىستىق توپ قۇرامىندا بولعان 16 ادامنىڭ اراسىندا سالافيتتەر مەن قۇقىق قورعاۋ ورگاندارىنىڭ وكىلدەرى بار.
