«قامشى» پورتالى كەشەگى اقپاراتتارىندا الماتى وبلىسىندا مال بازارىنا كەتكەن ءبىر ازاماتتىڭ جوعالىپ كەتكەنى تۋرالى حابارلاعان ەدى.
«قامشى» تىلشىسىنە «جوعالدى» دەلىنگەن ازاماتتىڭ جارى سابا شاراپات كۇيەۋىنىڭ بۇگىن تاڭعى بەس جارىم شاماسىندا قايتىپ كەلگەنى تۋرالى حابارلاپ، الاڭداۋشىلىق تانىتقان جۇرتقا العىسىن ايتتى.
«ول(«جوعالدى» دەلىنگەن جۇبايى جۇمالىنى ايتادى. –رەد) الىس اۋىلداردىڭ بىرىنە مال الۋعا بارىپ، اپتا سوڭىندا جاۋعان قاردىڭ، تايعاق جولدىڭ سالدارىنان ۋاقىتىندا كەلە الماي قالىپتى. 3-4 كۇن ءوتىپ بارا جاتقاننان كەيىن، ۇزىناعاشتاعى جاعدايداعى ۇرەي بار، الاڭداۋشىلىق تانىتىپ، ەرتەرەك دابىرا كوتەرىپ جىبەردىم. ءبىر شەتىنەن بارىڭىزگە العىسىمدى بىلدىرەم، ءىستىڭ ارتىن كۇتپەي الاڭداۋشىلىق تۋعىزعانىم ءۇشىن كەشىرىم سۇرايمىن!»، - دەدى جارى امان-ەسەن تابىلعان شاراپات حانىم. ايتۋىنشا، كۇيەۋى حابار بەرۋگە بارعان اۋىلىندا تەلەفون بايلانىسى بولماعان.
ايتا كەتەر بولساق، حاباردى ەستىگەن ازاماتتار ەرىكتى تۇردە «جوعالدى» دەلىنگەن ازاماتتى ىزدەۋگە كەشە كىرىسىپ كەتكەن. سونداي-اق، الماتى وبلىسى پوليسياسى دا ىزدەۋ شاراسىن قولعا الا باستاعان.
جۇمالىنىڭ جارىنا «قامشى» ءتىلشىسى «جارىڭىزدىڭ بىرنەشە كۇن جوق بوپ كەتۋىنىڭ باسقا سەبەبى جوق پا؟» دەپ سۇراق قويدى. شاراپات حانىم «كۇيەۋىنىڭ تاڭەرتەڭ عانا كەلگەنىن، شارشاپ ۇيىقتاپ جاتقانىن ايتىپ، باستىسى امان-ەسەن ەكەنىن» جەتكىزدى.
ەرلان تولەۋباي
