ۇلتتىق قاۋىپسىزدىك كوميتەتى 21 جەلتوقساندا ەلىمىزدىڭ اۋماعىندا «ات-تاكفير ۋال-حيدجرا» دىني-ەكسترەميستىك ۇيىمىنىڭ ۇياشىقتارىن بەيتاراپتاندىرۋ بويىنشا جۇمىستاردى باستادى دەپ حابارلايدى ۇقك باسپا ءسوز قىزمەتى.
جەدەل ءىس-شارالار ءبىر مەزگىلدە الماتى، اقتوبە، اتىراۋ وبلىستارى مەن الماتى قالاسىندا جۇرگىزىلۋدە.
ءدىني الاۋىزدىقتى قوزدىرۋ جانە تىيىم سالىنعان ۇيىمداردىڭ ىس-ارەكەتىنە قاتىسۋ بويىنشا كۇدىكتى بولعان 16 ادام ۇستالىپ، ۇقك اۋماقتىق ورگاندارىنا جەتكىزىلدى.
ولاردىڭ تۇرعان جەرلەرى بويىنشا ءتىنتۋ جانە باسقا دا جەدەل-تەرگەۋ، پروسەسسۋالدىق ىس-ارەكەتتەرى جۇرگىزىلۋدە.
بۇل ۇيىمداردىڭ مۇشەلەرىنىڭ «سەنبەۋشىلىك ءۇشىن ايىپتاۋ» نەمەسە «تاكفير» دەپ اتالاتىن ۇستانىمدى ناسيحاتتايتىنى بەلگىلى، ولار، ءوز كەزەگىندە «ال-كايدا»، «دايش» جانە باسقا دا ءبىرقاتار تەرروريستىك ۇيىمداردىڭ يدەولوگياسىندا قۇرىلعان.
«ات-تاكفير ۋال-حيدجرا» جولىن ۇستانۋشىلار سيريا مەن يراكتاعى تەرروريستەردىڭ ىس-ارەكەتتەرىن قولدايدى، سونداي-اق ەلىمىزدىڭ كونستيتۋسيالىق زاڭدارى مەن زايىرلى باسقارۋ ءتۇرىن مويىندامايدى.
اتالعان ۇيىم 2014 جىلى سوت شەشىمىمەن ەكسترەميستىك دەپ تانىلىپ، ونىڭ ارەكەتىنە قازاقستان اۋماعىندا تىيىم سالىنعان. ول اقش، رەسەي، جۇڭگو، مىسىر، ليۆيا، ماروككو، تاجىكستان، وزبەكستان جانە وزگە دە ەلدەردىڭ تەرروريستىك ۇيىمدار تىزبەسىنە قوسىلعان.
