قارلىعاش ءابدىراحمانوۆا ەسىمدى «انا» ءوزىنىڭ 2 جاستاعى قىزىن 30 مىڭ تەڭگەگە ساتپاقشى بولعان دەپ حابارلايدى كتك.kz. پوليسيا قىزمەتكەرلەرى قىزىن ساۋدالاپ تۇرعان جەرىنەن ءتۇسىپ، ونى تۇتقىنداعان. بۇدان بۇرىن ول قىزىن 2 مارتە بالالار ۇيىنە وتكىزبەكشى بولعانى بەلگىلى بولدى. قارلىعاش ءابدىراحمانوۆانىڭ پسيحيكالىق جاعدايىنا ساراپتاما جاسالىپ، ونىڭ ءوز ىس-ارەكەتتەرىنە جاۋاپ بەرە المايدى دەگەن قورىتىندى جاسالعان. ءقازىر 22 جاستاعى كەلىنشەك پسيحديسپانسەردە ەمدەلىپ جاتىر. ال ونىڭ 2 جاسار قىزى گۇلىم جەتىمدەر ۇيىنە ورنالاستىرىلدى. گۇلىمنىڭ تۋىستارى قىزدى جەتىمدەر ۇيىنەن الىپ كەتۋ ءۇشىن، قۇجاتتاردى دايىنداپ جاتىر.

قازاقستاندا تاستاندى بالالاردىڭ سانى ارتىپ كەلەدى. بالاسىن اياۋسىز ساباپ، قوقىسقا، دارەتحاناعا، قىستىڭ كۇنى دالاعا تاستاپ كەتىپ جاتقان بەزبۇيرەك انالار تۋرالى ءجيى ەستيتىن بولدىق. جاڭا تۋىلعان ءسابيدى قوقىستا تاستاپ كەتەتىندەردىڭ قاتارى كوبەيىپ كەتكەندىكتەن  2014 جىلى بەيبي-بوكس كونتەينەرلەرىن ورناتۋ تۋرالى شەشىم قابىلدانعان. ول 2015 جىلى قولعا الىنۋى كەرەك ەدى. الايدا، الەۋمەتتىك زەرتتەۋ بارىسىندا، بەيبي-بوكستاردى ورناتقان ەلدەردە تاستاندى بالاردىڭ سانى ەكى ەسەگە ارتقانى انىقتالدى. سوندىقتان ول قازاقستاندا ورناتىلمايتىن بولدى.