رەسەيلىك «ۇلتتىق كوميتەت+60» ۇيىمىنىڭ بەلسەندىلەرى رف پرەزيدەنتى ۆلاديمير پۋتينگە تۇركيانىڭ ەلشىسى رەتىندە ۆلاديمير جيرينوۆسكييدى تاعايىنداۋدى سۇرادى دەپ حابارلايدى krymr.com. شىن مانىسىندە بەلسەندىلەر لدپر پارتياسىنىڭ كوشباسشىسىن  «سيريا ماسەلەسىمەن» اينالىسۋدى سۇرايدى.

«سيرياداعى توتەنشە جاعداي،  وندا ىسكەر مامانداردىڭ جۇمىس ىستەۋىن تالاپ ەتەدى! وكىنىشكە وراي، كەرەمەت شىعىستانۋشى ەۆگەنيي پريماكوۆ قايتىس بولعاننان كەيىن ونىمەن دەڭگەيلەس ادام قالمادى. ءسىم باسشىسى لاۆروۆ فيزيكالىق تۇرعىدا جاقىن شىعىستاعى بارلىق ماسەلەنى قامتي المايدى» دەيدى بەلسەندىلەر.

«ۇلتتىق كوميتەت+60» ۇيىمى ۋاكىلدەرىنىڭ ويىنشا ماسەلەنى شەشۋدىڭ وسىنداي نۇسقاسى رەسەيدىڭ باتىستان كەلەتىن قاۋىپكە قارسى تۇرىپ، ەل ىشىندەگى دە، سىرتىنداعى دا تەرروريزم ماسەلەسىن شەشە الادى.