ءالقيسا:
اينۇرمەن العاش ايتىسىپ،
تاتەلەردىڭ قاي جەرى
ءتاتتى ەكەن؟-دەپ تارتىسىپ.
ۇيالماي-اق ەشكىمنەن،
تىلىمەن ءبىراز «تۇيرەگەن».
سولاي ءبىزدىڭ بوزبالا،
ايتىستا جەڭىلىپ كۇيرەگەن.
حالىق ءانى «كۇل، وينا» ياعني تورەعالي تورەالى ايتاتىن «قازاق قىزعا ۇيلەنەم» ءانىنىڭ جەلىسى بويىنشا.
جىگىت بولىپ مىنەكەي،
ءان شىرقاپ ءجۇر جاڭاشا.
جۇرتتىڭ ءبارىن بيلەتىپ،
تايراڭداتقان «تاماشا».
ريزا بولىپ قىز- قىرقىن،
شاپالاق ۇرادى بالاشا.
قايىرماسى:
مىڭ سۇلۋدىڭ قيالى،
تورەعالي تورەالى.
سۇيەم دەگەن بيكەشتەر،
تەلەفونىندا ۇيالى.
ءوزىن ءبىراق تورەشجان،
ءتورت-اق قىزعا قيادى.
2
بالا-شاعا مەكتەپتە
تورەعاليعا تابىنعان،
انگە سالىپ تورەششە
ەدەندى تەۋىپ «قاعىنعان».
ءماجىلىس زالىن جابدىقتاپ،
ولارعا دا ءانشى جاعىنعان.
قايىرماسى:
ەح، جانىم كۇل، وينا،
وسى سىزگە ۇناي ما؟
تورەعالي شىعارىپ تەڭگەسىن
بەرۋدى اتىن سۇراي ما؟
مۇنىسى كىمگە ءۇنايدى-ا؟...
3
تاۋەلسىزدىكتى تۋ ەتكەن
ءاليحان اتىن قيماعان،
مەكتەپتىڭ دە باسشىسى
اقىلىما سىيماعان.
ۇلى دالا بالاسى-كوكەسىنىڭ بالاسى،
ويتپەس ەدى بولسا ەگەر،
ارداقتىسىن الاشتىڭ
ءارۋاعىن سىيلاعان؟...
قايىرماسى:
ەح، جانىم كۇل، وينا،
بىزگە وسىڭ ۇناي ما؟
اتاق العان وسىلاي،
وزىڭىزگە ۇناي ما؟...
***
ەح، جانىم كۇيرەگەن،
تىلىممەنەن تۇيرەگەن،
مەنىڭ ءسوزىم ۇناي ما؟
ۇناماسا مۇڭايما.
قىزدارعا ۇناپ كوپتەگەن،
قار ۇستىنە ەگىنى كوكتەگەن.
جالعىز ءانشى سەن ەمەس،
اتاق العان «ەپپەنەن».
اۆتورى: كۇلاش كەرىمبەك قىزى، ساتيريك
