ايگىلى بوكسشى مۇحاممەد ءالي تەلەارنالاردىڭ بىرىنە بەرگەن سۇحباتىندا نەلىكتەن يسلام ءدىنىن قابىلداعانىن جانە دىنگە كەلمەس بۇرىن قوعامدا قالىپتاسقان تۇسىنىكتەرگە بايلانىستى ءوزىنىڭ كەلىسپەۋشىلىگىن ءبىلدىردى. بۇرىڭعى الەم چەمپيونى، جىل بوكسشىسى اتاعىنىڭ يەگەرى بولعان مۇحاممەد ءالي اقتىڭ بارلىعى نەلىكتەن جاقسىلىق، مەيىرىمدىلىك، ادىلدىك پەن ادىلەتتىلىكتىڭ نىشانى بولۋى كەرەك تە، قارا ءتۇس تەك ءومىردىڭ جاعىمسىز تۇستارىمەن، قاتىگەزدىك، جاماندىقپەن بايلانىستى بولۋ كەرەك ەكەنىن تۇسىنبەيتىنىن جەتكىزدى. مىسال رەتىندە پەرىشتەنىڭ ادامنىڭ تۇسىنىگىندە اپپاق تا، شايتان نەلىكتەن قارا رەتىندە قابىلدايدى دەپ حالىققا ساۋال جولدادى.
سونىمەن قاتار، بوكسشى ناسىلدىك الالاۋشىلىقتى دا تىلگە تيەك ەتتى. جاپپاي ءبىر ۇلتتىڭ ءداستۇرىن، مادەنيەتىن، ءتىلى مەن ءدىلىن تارتىپ الۋ، قۇلدىق سانا، باي مەن كەدەي، اق پەن قارا، قوجايىن مەن قۇل دەگەن تۇسىنىكتەردى قاتاڭ سىنعا الدى.
