ۇلتتىق قاۋىپسىزدىك كوميتەتى «ات-تاكفير ۋال-حيدجرا» دىني-ەكسترەميستىك ۇيىمىنىڭ ۇياشىقتارىن بەيتاراپتاندىرۋ بويىنشا  21 جەلتوقساندا باستالعان ارنايى وپەراسيانى اياقتادى دەپ حابارلايدى ۇقك باسپا ءسوز قىزمەتى.

ىشكى ىستەر ورگاندارى بولىمشەلەرىمەن بىرلەسە ءدىني الاۋىزدىقتى قوزدىردى جانە اتالعان ۇيىمنىڭ ىس-ارەكەتىنە قاتىستى دەگەن كۇدىكپەن بارلىعى 33 ادام ۇستالدى.

«ات-تاكفير ۋال-حيدجرا» جاقتاۋشىلارىنىڭ تۇراتىن جانە جينالاتىن مەكەنجايلارى بويىنشا جۇرگىزىلگەن ءتىنتۋ بارىسىندا ءدىني ماتەريالدار، كومپاكت-ديسكتەر، كومپيۋتەرلىك تەحنيكا جانە ۇلكەن سومادا اقشا تابىلىپ، الىندى. قاجەتتى ساراپتامالار تاعايىندالدى.

بۇگىنگى كۇنى الىنعان ايعاقتار جيىنتىعى بويىنشا «ات-تاكفير ۋال-حيدجرا» ۇياشىعىنىڭ 7 كوشباسشىسى مەن بەلسەندى قاتىسۋشىلارىنا قاتىستى قاماۋعا الۋ تۇرىندە، بىرەۋىنە – ەشقايدا كەتپەۋ جايىندا الدىن الۋ شارالارى قولدانىلدى.

8 ادامعا قاتىستى كەلۋ تۋرالى مىندەتتەمە تۇرىندە پروسەسسۋالدىق ماجبۇرلەۋ شاراسى تاڭدالدى. ۇيىمنىڭ قاتارداعى 17 مۇشەسى ازىرشە تەرگەۋگە كۋاگەر رەتىندە تارتىلادى.

ۇستالعان ادامداردىڭ كوپشىلىگى مويىنداۋ تۇسىنىكتەرىن بەردى جانە تەرگەۋمەن ىنتىماقتاسىپ جۇمىس ىستەۋگە نيەت ءبىلدىردى. ولاردان راديكالدىق يدەولوگيا ناسيحاتتالاتىن جاسىرىن جيىنداردى وتكىزۋ تۋرالى مالىمەتتەر الىندى. سونىمەن قاتار قازاقستاندىق ۇياشىقتاردىڭ ىس-ارەكەتى شەتەلدەن باسقارىلىپ وتىرعان.

جەدەل-تەرگەۋ ىس-ارەكەتتەرى جالعاسۋدا.