كىشى روي دجونس جەكە ىس-ساپارمەن الماتىعا كەلدى. بريفينگتىڭ العاشقى مينۋتتارىنان-اق، ول بوكس سۇيەر قاۋىمدى جاڭالىعىمەن تاڭ قالدىردى. دجونس قازاقستاندا ءوز مەكتەبىن اشپاق نيەتتە.

«قازاقستاندا بوكس مەكتەبىن اشقىم كەلەدى. بۇل جاقتا اۋەسقوي بوكس جاقسى دامىعانىن بىلەمىن، ءبىراق كاسىپقوي بوكس دا وتە ماڭىزدى. سوندىقتان مەن بۇل سپورتتىڭ دامۋىنا كومەكتەسكىم كەلەدى. مەن ءۇشىن اقشا ماڭىزدى ەمەس، بۇل جەرگە ءوزىمنىڭ شەبەرلىگىم مەن ماشىقتارىممەن بولىسۋگە كەلدىم. ءوز ءادىس-تاسىلىم بويىنشا ۇيرەتۋگە دايىنمىن»،– دەدى روي.

امەريكالىق كاسىپقوي بوكسشى سوڭعى وليمپيادادانىڭ كۇمىس جۇلدەگەرى – ۆاسيليي ليەۆيتتى دە نازارىنان تىس قالدىرمادى.

«2016 جىلى كوررۋپسيا وركەندەپ تۇرعانىنا قاتتى ۇيالامىن. 1986 جىلى ماعان دا سولاي ىستەلگەن. ەگەر سەن قاتەلىك جىبەرسەڭ، كەشىرىم سۇراۋىڭ كەرەكسىڭ»، – دەپ جالعاستىردى دجونس.

روي سونىمەن قاتار الداعى جوسپارلارىمەن دە بولىسە كەتتى.

«مەن 75 جاسقا دەيىن رينگتە جۇرمەيمىن. مۇمكىن، كەلەسى جىلى كارەرامدى اياقتايتىن شىعارمىن. قۇداي ماعان تالانت بەرگەن ەكەن، ازىرگە بوكسپەن اينالىسا تۇرامىن. مەن ءدىندار اداممىن، بۇل مەنى ءار كۇن سايىن جىگەرلەندىرىپ وتىرادى»، – دەدى دجونس.

،