الەكساندر كۋلان – ياكۋتيالىق باقسى، اق شامانداردىڭ قاتارىنا جاتادى. كۋلان بولاشاقتا بولاتىن جاعدايلاردى ءارۋاقتاردى شاقىرىپ، سولاردان ءبىلىپ وتىرادى دەپ حابارلايدى philologist.livejournal.com، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

 ياكۋتيلىق باقسى ۋكرايناداعى داعدارىس پەن ءرۋبلدىڭ قۇلدىراۋىن ايتقان بولاتىن. ەندى باقسى وت ءارۋاقتارىنىڭ كومەگىمەن رەسەي فەدەراسياسىنىڭ بولاشاعىن كورىپ، 2017 جىلى قانداي قيىندىقتار بولاتىنىن، قانداي جاعدايلارعا دايىندىق جۇرگىزۋ كەرەكتىگىن ايتىپ وتىر. «2017 جىل الدىنعى جىلدارعا قاراعاندا وتە اۋىر دا قيىن جىل بولماق. الايدا قيىندىق قاراپايىم ادامدار اراسىندا ەمەس، ساياسي جاعدايلارعا قاتىستى تۋىندايدى»، - دەپ مالىمدەدى الەكساندر كۋلان.

2017 جىلى رەسەيگە جۇكتەلگەن نەگىزگى مىندەت – الەمدەگى بولىپ جاتقان داۋلاردى رەتتەۋ. كەلەڭسىز جاعدايلار تۋىنداعان ساتتە تۇراقتىلىق پەن سابىرلىلىقتى ساقتاعان جاعدايدا ەلدە وركەندەۋ بولادى. «جاعدايىمىزدىڭ تۇراقتى بولىپ قالۋىنا باسا نازار اۋدارۋ كەرەك. كەلەر جىلدا ءومىر ءسۇرۋ ەمەس، كۇن كورۋ ماسەلەسى عانا بولادى. جاڭا جىلدا بايلىق، بيلىك، حالىق مارتەبەسى سىندى قوعامداعى نەگىزگى قۇندىلىقتار اياق استىنان وزگەرىسكە ۇشىرايدى»، - دەپ حابارلادى ياكۋتيالىق باقسى.

اۋدارعان: نازەركە لابيحان