اۋىل شارۋاشىلىعى ءوندىرىسىنىڭ قارقىندى ءوسۋىنىڭ نەگىزگى فاكتورى، ونىڭ ەكونوميكاداعى قازىرگى تاڭداعى نارىقتىق قاعيدالارى نەگىزىندە تەز وركەندەۋى بولىپ تابىلادى. وڭتۇستىك قازاقستان وبلىسىندا تابيعاتتىڭ ءارتۇرلى بولۋىنا بايلانىستى اۋىل شارۋاشىلىعىنا باعىتتالعان باعدارلامالاردى ورىنداۋ كەي ايماقتارعا قيىندىق تۋدىرسا، سارىاعاش اۋدانىندا وسى سالا بويىنشا بارلىق جوسپاردى ورىنداۋ جۇزەگە اسىرىلۋدا.

2016 جىلى اۋدان بويىنشا 77700 توننا استىق، 2962 توننا مايلى داقىلدار ءدانى، 79380 توننا باقشا ونىمدەرى، 125514 توننا كارتوپ، 498450 توننا كوكەنىس ونىمدەرى، 16619 توننا جەمىس، 9924 توننا ءجۇزىم، 25469 توننا ەت، 82312 توننا ءسۇت، 33 ملن.11 مىڭ دانا جۇمىرتقا وندىرىلگەن جانە مال ازىعى ءۇشىن 580972 توننا ءىرى سوياۋلى مال ازىعى دايىندالعان. وندىرىلگەن ءونىمنىڭ جالپى قۇنى وسى جىلدىڭ 11 ايىندا 72 ملرد. 933 ملن. تەڭگەنى قۇرايدى دەپ جوسپارلانۋدا. ول ءونىمنىڭ 24 ملرد. 33،7 ملن. تەڭگەسى مال شارۋاشىلىعىنا، 48 ملرد. 899،5 ملن. تەڭگەسى وسىمدىك شارۋاشىلىعى سالاسىنا تيەسىلى.

اۋداندا اتالعان سالا بويىنشا ءوسۋ بار، ماسەلەن 2016 جىلى اۋدان بويىنشا 77400 گەكتار ەگىستىك جەرلەردى يگەرۋ مەجەلەنگەن بولا، ناقتى 79518،7 گەكتار ەگىستىك جەرگە جانە سۋارمالى جەرگە 45013،8 گەكتار ەگىستىك ەگىلگەن. 45،41 گەكتار ەگىستىك جەرگە جىلىجاي سالىنىپ، ىسكە قوسىلدى. تامشىلاتىپ سۋارۋ بويىنشا ەندىرىلگەن جەر كولەمى 594،6 گەكتار بولسا 75 گەكتارعا قارقىندى باۋ وتىرعىزىلدى. 2016 جىلدىڭ ءونىمى ءۇشىن 13700 گەكتار ەگىستىك جەرگە تەرەڭ قوپسىتۋ جۇمىستارىن جۇرگىزۋ جونىندە بەلگىلەنگەن جىلدىق مەجە 100 پايىزعا ورىندالدى.

بيىل اۋدان بويىنشا 107 بىرلىك اۋىل شارۋاشىلىق تەحنيكالارى ساتىپ الىندى. «التىن اسىق» باعدارلاماسى بويىنشا 6125 باس ۇساق مال ساتىپ الىنىپ، 261 بىرلىك شاعىن بورداقىلاۋ الاڭدارى قۇرىلعان. «قۇلان» باعدارلاماسى بويىنشا 383 باس بيە، «سىباعا» باعدارلاماسى بويىنشا 3330 باس سيىر ساتىپ الىنعان. وسى جىلدىڭ 11 ايىندا اۋدان بويىنشا ءتىرى سالماقتا 25469 توننا ەت، 82312 توننا ءسۇت جانە 33 ملن.11 مىڭ دانا جۇمىرتقا وندىرىلگەن. سارىاعاشتا ءبىر ساۋىن سيىر ورتا ەسەپپەن 2022 كەلى ءسۇت بەردى. 2016 جىلدىڭ سوڭىنا قالاتىن ءىرى قارا مال سانىن 83529 باستان كەمىتپەۋ جونىندە بەلگىلەنگەن مەجە 105،3 پايىزعا ورىندالعان. بۇگىنگى تاڭدا اۋداندا 87935 باس ءىرى قارا مال وسىرىلۋدە.

ءسۇتتى باعىتتا 15313 باس، ەتتى باعىتتا 2925 باس ءىرى قارانى جانە دە 5000 باس بيازى ءجۇندى قويدى قولدان ۇرىقتاندىرىلدى. 2016 جىلى اۋدان بويىنشا جۇرتشىلىق تابىنعا 110 باس اسىل تۇقىمدى بۇقا ساتىپ الۋ جوسپارلانعان بولسا، ناقتى 126 باس اسىل تۇقىمدى بۇقا ساتىپ الىنعان.

اۋىل شارۋاشىلىعى سالاسى بويىنشا 2016 جىلى 5 بىرلىك ينۆەستيسيالىق جوبالاردى ىسكە اسىرۋ جونىندە بەلگىلەنگەن جىلدىق مەجە 100 پايىزعا ورىندالىپ ينۆەستيسيالاردىڭ ناقتى كولەم يندەكسىن 135 پايىزعا جەتكىزۋ جونىندەگى بەلگىلەنگەن جوسپار تولىق ورىندالادى دەپ كۇتىلۋدە. اۋداندا 6 بىرلىك اۋىل شارۋاشىلىعى كووپەراتيۆى قۇرىلدى. وسى سالادا 2016 جىلى 350 جاڭا جۇمىس ورىندارىن اشۋ مەجەلەنگەن بولسا، ناقتى 435 جاڭا جۇمىس ورىندارى اشىلىپ، اۋىل تۇرعىندارى جۇمىسپەن قامتىلدى.

سارىاعاشتا اۋىل شارۋاشىلىقتى جانە قايتا وڭدەيتىن كاسىپورىنداردى قايتا قالىپتاستىرۋ، اگروسەرۆيستى ۇيىمداستىرۋ جانە نارىقتىق قاتىناستاردىڭ قالىپتاسۋىن ءوندىرىس قۇرىلىمىندا جانە تاۋار ءونىمىنىڭ، وندىرىستىك شىعىندارمەن وسىمدىك شارۋاشىلىعىنىڭ جانە مال شارۋاشىلىق سالاسىنىڭ تابىسىنا ماڭىزدى وزگەرىس الىپ كەلەدى.

داستان اسقار ۇلى