بۇگىندە قايتا وڭدەۋشى كاسىپورىنداردىڭ اۋىل شارۋاشىلىعى ءونىمىن تەرەڭدەتە قايتا وڭدەپ ءونىم ءوندىرۋى ءۇشىن ونى ساتىپ الۋ شىعىندارىن سۋبسيديالاۋ بيۋدجەتتىك باعدارلاماسى ىسكە اسىرىلىپ جاتقانى بەلگىلى. 

وڭتۇستىك قازاقستان وبلىسى بويىنشا جالپى العاندا وندىرىستىك قۋاتتىلىعى جىلىنا  130.100 توننا  40 ءىرى، ورتا جانە شاعىن  ءسۇت وڭدەيتىن كاسىپورىندار جۇمىس ىستەيدى.

قايتا وڭدەۋ كاسىپورىندارىنىڭ شيكىزاتقا دەگەن سۇرانىسىن قامتاماسىز ەتۋ ماقساتىندا ءسۇتتى مال شارۋاشىلىعىمەن اينالىساتىن ارىس قالاسىندا، سايرام، تۇلكىباس، قازىعۇرت اۋداندارىندا قايتا وڭدەۋدى دامىتىپ، اتالعان اۋداندارعا كورشىلەس اۋدانداردان قايتا وڭدەۋ ماقساتىندا ءسۇت وتكىزۋدى ۇيىمداستىرۋ ارقىلى شيكىزات تاپشىلىعىن شەشۋگە بولادى.

اۋىل شارۋاشىلىعى ءمينيسترىنىڭ 2014-جىلعى 26-قاراشاداعى  «وڭدەۋشى كاسىپورىنداردىڭ اۋىلشارۋاشىلىق ءونىمىن تەرەڭدەتە وڭدەپ ءونىم ءوندىرۋى ءۇشىن ونى ساتىپ الۋ شىعىندارىن سۋبسيديالاۋ قاعيدالارىن بەكىتۋ تۋرالى» №3-2/315 بۇيرىعى شەڭبەرىندە ءسۇت وڭدەۋ كاسىپورىندارىنىڭ تەرەڭ وڭدەۋگە شيكىزات ساتىپ الۋ شىعىندارىن وتەۋ ماقساتىندا وبلىستا ءتيىستى جۇمىستار جۇرگىزىلۋدە. 2015-جىلى اتالعان باعدارلاما بويىنشا رەسپۋبليكالىق بيۋدجەتتەن  65 ميلليون 580 مىڭ تەڭگە ءبولىندى. ونىڭ ىشىندە وندىرىلگەن  – 28 ميلليون 382 مىڭ 757،6 تەڭگە سارى ماي شيكىزاتىنا  (81.360 توننا)، 37 ميلليون 197 مىڭ 242،4 تەڭگە  (163.226 توننا) قاتتى  ىرىمشىك شيكىزاتىنا تولەندى.

سۋبسيديالاۋ وبلىس اكىمىنىڭ 2015-جىلعى 13-شىلدەدەگى «ساتىپ الىناتىن اۋىل شارۋاشىلىعى ونىمدەرىنىڭ بىرلىگىنە ارنالعان سۋبسيديالار نورماتيۆتەرىن بەكىتۋ تۋرالى» № 217 قاۋلىسىنا سايكەس جۇرگىزىلىپ، سارى ماي وندىرۋگە  ساتىپ الىناتىن ءسۇت ءۇشىن 16 تگ/كگ، قاتتى ىرىمشىك وندىرۋگە ساتىپ الىناتىن ءسۇت ءۇشىن  20 تگ/كگ تولەندى. 

اتالعان باعدارلاما بويىنشا 7 كاسىپورىننىڭ شيكىزات ساتىپ الۋ شىعىندارى سۋبسيديالاندى. باعدارلاماعا قاتىسۋشى كاسىپورىندار شىمكەنت قالاسىندا جانە  سايرام اۋدانىندا ورنالاسقان.

قازاقستان رەسپۋبليكاسى اۋىل شارۋاشىلىعى مينيسترلىگىنىڭ 2016 – 2018-جىلدارعا ارنالعان بيۋدجەتتىك باعدارلاماسىنا سايكەس، اعىمداعى جىلى باعدارلاما بويىنشا سارى ماي ءوندىرىسى ءۇشىن ساتىپ الىناتىن شيكىزاتقا تولەنەتىن سۋبسيديا كولەمى 16 تەڭگە/كگ-نان 12 تەڭگە / كگ-عا تومەندەتىلدى. 2016-جىلعا رەسپۋبليكالىق بيۋدجەتتەن 130 ميلليون 800 مىڭ تەڭگە قارالعان. اتاپ ايتقاندا، 2016-جىلعا بولىنگەن قارجى ەسەبىنەن وبلىستا  153 توننا سارى ماي،  374 توننا  قاتتى ىرىمشىك ءوندىرىلدى.

اتالعان باعدارلاما بويىنشا 9 كاسىپورىننىڭ شيكىزات ساتىپ الۋ شىعىندارى سۋبسيديالاندى. باعدارلاماعا قاتىسۋشى كاسىپورىندار شىمكەنت، تۇركىستان  قالالارىندا جانە  سايرام اۋدانىندا ورنالاسقان. باسقا اۋدان، قالالاردان بۇل باعدارلاماعا قاتىسۋشى كاسىپورىندار جوق.

بيۋدجەتتىك باعدارلامانىڭ ماقساتى  – ءسۇت وڭدەۋ كاسىپورىندارىنىڭ تەرەڭ وڭدەۋگە شيكىزات ساتىپ الۋ شىعىندارىن وتەۋ. بولىنگەن قارجى قايتا وڭدەۋ كاسىپورىندارىنىڭ سارى ماي جانە ىرىمشىك شىعارۋ ءۇشىن تەرەڭ وڭدەۋگە شيكىزات ساتىپ الۋ شىعىندارىنىڭ   20 – 25 پايىزىن  قايتارىپ، وندىرىلگەن ءونىمنىڭ وزىندىك قۇنىن تومەندەتىپ، باسەكەگە قابىلەتتى ءونىم شىعارۋعا مۇمكىندىك بەرەدى. 

نورماتيۆ بويىنشا 1 كيلو دايىن ونىمگە جۇمسالاتىن شيكىزات ءۇشىن:

- سارى ماي ءوندىرۋ ءۇشىن 22،5 كگ ءسۇت؛

- قاتتى ىرىمشىك ءوندىرۋ ءۇشىن 12،0 كگ ءسۇت قاجەت.

گۇلنۇر امانگەلدى قىزى،

وبلىستىق اۋىل شارۋاشىلىعى باسقارماسىنىڭ

ينۆەستيسيالىق جوبالاردى قولداۋ جانە اۋىل شارۋاشىلىعى ونىمدەرىن قايتا وڭدەۋدى دامىتۋ ءبولىمىنىڭ باس مامانى.