وڭتۇستىك قازاقستان وبلىسىنىڭ تۇراقتاندىرۋ قورىنداعى ازىق-تۇلىكتەر شىمكەنت قالاسىندا سەنبى جانە جەكسەنبى كۇندەرى وتەتىن جارمەڭكەدە، وبلىستىڭ اۋداندارى مەن قالالارىندا ساتىلۋدا.

تۇرعىنداردى الەۋمەتتىك تاۋارمەن قامتۋ جانە باعانى قولدان كوتەرۋ سىندى جايتتاردى جويۋ ماقساتىندا قۇرىلعان تۇراقتاندىرۋ قورى ارنايى قۇرىلعان كوميسسيانىڭ شەشىمى بويىنشا تاۋارلاردىڭ كەلەسى باعادا بەرىلىپ جاتقاندىعىن حابارلايدى.

اتاپ ايتقاندا، كارتوپ پەن ءسابىز 30-35 كەلىگە دەيىن 1 كەلىسىن 65 تەڭگەدەن، ال قۇمشەكەردىڭ كەلىسى – 220، كۇنباعىس مايى 1 ءليترى – 350، 5 ءليترى – 1750 تەڭگەگە، 50 كەلى جوعارى سورتتى ۇن – 3600 تەڭگەگە ساۋدالانىپ وتىر.
ايتا كەتەيىك، شىمكەنتتە سەنبى كۇنى جارمەڭكە مادەلى قوجا كوشەسىندەگى «قاجىمۇقان» ستاديونىندا ال، جەكسەنبى كۇنى ارعىنبەكوۆ كوشەسى، «راحيما پلازا» ويىن-ساۋىق كەشەنىندە وتەدى.

تۇراقتاندىرۋ قورىنىڭ ساتۋ بويىنشا مەنەدجەرى رامازان ەسەنبايەۆپەن بايلانىسقا تۇسكەن ەدىك. «تۇراقتاندىرۋ قورى مەن اكىمشىلىكتىڭ كاسىپكەرلىك ءبولىمى ۇيىمداستىرىپ وتىرعان شارا سەنبى، جەكسەنبى ۇيىمداستىرىلاتىن جارمەڭكەمەن شەكتەلمەيدى. «كۇلتاي انا» جانە «قاپلانبەك» بازارلارىندا ءموبيلدى ماشينامىز جەتى كۇن بويى جۇمىس جاسايدى. جارمەڭكەگە بارا الماي قالعاندار بازارعا كەلىپ، تومەندەتىلگەن باعادا الەۋمەتتىك تاۋارلاردى ساتىپ الۋىنا مۇمكىندىگى بار. كوبىنەسە ءبىزدىڭ تاۋارلاردى الەۋمەتتىك جاعدايى تومەن وتباسىلار مەن زەينەتكەرلەر كوپتەپ الادى. كەيبىرەۋى جەتكىزىپ بەرەسىزدەر مە دەپ تە سۇراپ جاتادى. وكىنىشكە وراي، بىزدە ونداي قاراستىرىلماعان. كەز كەلگەن سۇراق بويىنشا ماشيناعا جاپسىرىلعان جارناماداعى نومىرلەرگە قاراپ حابارلاسا الادى» دەيدى رامازان.

رامازان ەسەنبايەۆ: +7 (7252) 99-70-98، +7 701 505-12-88. مەكەن-جايى: شىمكەنت ق.، قونايەۆ گۇلزارى №48 («وڭتۇستىك» بيزنەس-ورتالىعى)، كابينەت 15.