ۇشاق اپات بولعان جەردەن 3 ادامنىڭ ءمايىتى تابىلدى. ۇشاقتىڭ اپاتقا ۇشىراۋ سەبەبى، دەرەككوزدەردىڭ ايتۋىنشا، قوزعالتقىشقا بوتەن زاتتاردىڭ ءتۇسىپ كەتۋى دەپ حابارلايدى tass.ru ، «قامشى» پورتالى اقپاراتتىڭ قازاقشا نۇسقاسىن وقىرمان نازارىنا ۇسىنادى.

قارا تەڭىزگە قۇلاعان تۋ-154 ۇشاعى اپات بولعان جەردەن سۇڭگۋىرلەر ۇشاقتاعى قىسىمدى وزدىگىنەن جازىپ وتىراتىن قۇرالدى تاۋىپ العان.

«زەرتتەۋ جۇمىستارى جۇرگىزىلىپ جاتقان كەزدە ۇشاق كابيناسىنان ءبىر قارا جاشىك تابىلدى»، - دەپ مالىمدەيدى دەرەككوزدەرى. ونى سۋدان شىعارىپ، ماسكەۋ قالاسىنا الىپ كەتكەن.

«سۋدان قىسىمدى وزدىگىنەن جازىپ وتىراتىن پارامەترلىك قۇرىلعى شىعارىلدى. ءقازىر قارا جاشىكتەگى جازبانى تىڭداۋ ءۇشىن ونى سوچي قالاسىنان ۇشاقپەن ماسكەۋگە الىپ بارا جاتىر. قارا جاشىكتەگى جازبانى  ماسكەۋ قالاسىندا قورعانىس مينيسترلىگىنىڭ ارنايى ماماندارى اشىپ،  تىڭدايدى».

سونىمەن قاتار، اپات بولعان جەردەن ءۇش ادامنىڭ ءمايىتى تابىلعان.

«ۇشاقتى زەرتتەۋ كەزىندە ءۇش ادامنىڭ ءمايىتى جانە ۇشاق قالدىقتارى تابىلدى»، - دەپ حابارلايدى دەرەككوزدەرى. الايدا، بۇل مالىمەن ناقتى ەمەس. بىرنەشە كۇن بۇرىن 13 ادامنىڭ ءمايىتى تابىلعان بولاتىن.

سونىمەن قاتار، ۇشاق قوزعالتقىشىنا بوگدە زاتتاردىڭ ءتۇسىپ كەتۋى – اپاتتىڭ تۋۋىنا سەبەپ بولعان نەگىزگى جاعداي رەتىندە قاراستىرىلىپ وتىر.

«ۇشاقتىڭ اپاتقا ۇشىراۋ سەبەبىن انىقتاۋدا ەكسپەرتتەر قوزعالتقىشقا بوگدە زاتتار ءتۇسىپ كەتكەن دەگەن تۇجىرىم جاساپ وتىر».

اپات سالدارىنىڭ باسقا دا نۇسقالارى ايتىلىپ، پيلوتتىڭ قاتەلىگى نەمەسە تەحنيكالىق اقاۋدىڭ سالدارىنان بولۋى مۇمكىن دەگەن دەرەكتەر دە تەكسەرىلىپ جاتىر.

اپاتتىڭ تۋۋىنا سەبەپشى رەتىندە ءتورت جاعداي قاراستىرىلىپ وتىر: قوزعالتقىشقا بوگدە زاتتاردىڭ ءتۇسىپ كەتۋى؛ ساپاسىز جانارماي سالدارى؛ ۇشاق قوزعالقىشى تىم قاتتى جۇمىس ىستەپ، بىردەن ىستەن شىعۋى؛ پيلوتتىڭ قاتەلىگى نەمەسە جوندەۋگە كەلمەيتىن تەحنيكالىق اقاۋدىڭ تۋىنداۋى. 

اۋدارعان: نازەركە لابيحان