وسكەمەندە رەسەي باس كونسۋلدىعىنىڭ ۋاقىتشا توبىنىڭ باسشىسى، ديپلومات رومان سكرىلنيكوۆتىڭ ءولى دەنەسى پاتەرىنەن تابىلعان،- دەپ حابارلايدى Tengrinews.kz ءتىلشىسى.  الدىن الا بولجام بويىنشا، ديپلومات ينفاركتتان قايتىس بولعان.

قولدا بار مالىمەت بويىنشا، باس كونسۋلدىقتىڭ قىزمەتكەرىنىڭ ءمايىتىن ونىڭ جالداپ تۇرىپ جاتقان پاتەرىنەن جۇرگىزۋشىسى تاپقان. ءتارتىپ ساقشىلارى ونىڭ دەنەسىنەن زورلىق بەلگىلەرىن تاپپادى. سكرىلنيكوۆ ينفاركتتان قايتىس بولدى دەلىنەدى. پوليسەيلەر قازانىڭ ءمان-جايىن انىقتاپ جاتىر.

رف-نىڭ وسكەمەندەگى باس كونسۋلدىعىنداعىلار قايعىلى وقيعاعا قاتىستى پىكىر بىلدىرۋدەن باس تارتتى. 

"26 جەلتوقساندا رەسەي فەدەراسياسىنىڭ ساپارعا جىبەرىلگەن ازاماتى رومان سكرىلنيكوۆتىڭ وسكەمەندە ينفاركتتان قايتىس بولعانىن راستايمىز. قازىرگى ۋاقىتتا مارقۇمنىڭ دەنەسىن رەسەيدە جەتكىزۋ بويىنشا جۇمىستار جۇرگىزىلىپ جاتىر"، - دەدى تىلشىمىزگە رف-نىڭ قازاقستانداعى ەلشىلىگىنىڭ باسپا ءسوز قىزمەتكەرى يليا ليابۋحوۆ.