سوچي قالاسىندا اپاتقا ۇشىراعان تۋ-154 ۇشاعىنىڭ قۇلاعانىن كورگەن كاۋگەر ۇشاقتىڭ «ءبىرتۇرلى» جەرگە قونىپ جاتقانىن كورگەندىگى جايلى جاعالاۋداعى شەكارا قىزمەتكەرلەرىنە بايانداپ بەردى دەپ حابارلايدى gazeta.ru، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

ەكسپەرتتەردىڭ ايتۋىنشا، ۇشاقتىڭ اپاتقا ۇشىراۋ سەبەبى – پيلوتتىڭ قاتەلىگىنەن بولۋى ابدەن مۇمكىن. اپات سالدارىنىڭ بۇل نۇسقاسى شىندىققا جاقىن بولىپ تۇر.

كۋاگەردىڭ ايتۋىنشا، تۋ-154 ۇشاعى تەڭىزدىڭ ۇستىنەن ءوتىپ بارا جاتقانىندا، بيىكتىككە كوتەرىلۋدىڭ ورنىنان ول تومەندەي بەرگەن، قارا تەڭىزگە بارىپ قونا سالاتاتىنداي كورىنگەن. جاعالاۋ اسكەرلەرىنىڭ ءبىرى «كۋاگەردىڭ ۇشاق اسا جوعارى جىلدامدىقپەن جوعارىعا كوتەرىلمەدى دەگەن ءسوزى كۇماندى ەستىلدى» دەپ ايتىپ ءوتتى. تۋ-154 ۇشاعىنىڭ سول كەزدەگى جاعدايىن كۋاگەر ارتقى دوڭگەلەگىمەن تۇرعان موتوسيكلگە تەڭەدى.

سونىمەن قاتار، ۇشاق سۋدىڭ بەتىن جالاپ ءوتتى دە، تۇمسىعىمەن كىرىپ، لەزدە باتىپ كەتكەن.

الدىڭعى دەرەكتەردە، تۋ-154 ۇشاعىنداعى ەكيپاج كومانديرى ۇشاقتى تەڭىزدىڭ ۇستىنە قوندىرماقشى بولعانى جايلى ايتىلعان.

ۇشاق جولىنىڭ كارتاسى جانە ونىڭ اپاتقا ۇشىراعان تۇسى