ليمون سۋى

ءار كۇنى باۋىرىمىزدى تازالاتىپ، اس قورىتۋدى جاقسارتقىمىز كەلسە جىلى سۋمەن قوسىپ ليمون سۋىن ىشكەنىمىز ابزال. ءبىر ستاكان ليمون ارالاسقان جىلى سۋ اش قارىنعا ىشىلسە، اسقازانداعى توكسيندەردى جويۋعا كومەكتەسەدى. مەتابوليزمدى دامىتىپ، ساۋ اس قورىتۋدى جاقسارتادى، ءىش قاتۋدىڭ الدىن الادى.

اۆوكادو

اۆوكادو الەمدە ساۋلىق پەن سۇلۋلىق ءۇشىن قولدانىلۋىمەن تانىمال. باۋىردى گالاكتوزامين جانە باسقا دا توكسيندەردەن قورعايدى.

كۋركۋما

كۋركۋما قابىنۋدى كەتىرەتىن دامدەۋىش. راكتىڭ الدىن الىپ، باۋىردى قورعايدى. باۋىردى تازالاپ قانا قويماي، مەتابوليزمدى تۇزەيدى.

مول سۋ ءىشۋ

باۋىردى تازالاۋدىڭ ەڭ جاقسى جولدارىنىڭ ءبارى كۇن سايىن 6-8 ستاكان سۋ ءىشۋ. بۇل سونداي-اق، بۇيرەكتەردى تازارتىپ، ارىقتاۋعا دا سەپ بولادى.  ادامنىڭ ءتانى ءارقاشان دا دىمقىل قالۋعا ءتيىس. بۇل ءىشىن مول سۋ ءىشۋ قاجەت.  

مانەرلەنگەن ونىمدەردەن اۋلاق بولۋ

تازارتىلعان ۇن، قانت سياقتى ونىمدەردەن اۋلاق بولۋعا ءتيىسپىز. سەبەبى، بۇنداي ونىمدەر تىكەلەي باۋىردى مايلاتتىرادى ءارى حولەستەرينگە تولتىرادى. بۇنداي تاماقتاردى كوپ تۇتىنۋ ادامنىڭ قارىنىنا، سانىنا، جاۋىرىنىنا، مىقىنىنا ماي توپتاستىرادى. جوعارى تريگليسەريدتەر جۇرەككە دە كەرى اسەرىن تيگىزەدى.

باقباق ءتۇبىرى

باۋىردى تازالاۋعا شيپاسى مول وسىمدىكتەردىڭ ءبىرى باقباق تامىرى. اسىلىندا بۇل تاريحتا باۋىر تازالاۋعا ەڭ كوپ قولدانىلعان وسىمدىك.  ەڭ دۇرىسى شاي رەتىندە پايدالانۋ.

سارىمساق

ءبىر ءتۇپ سارىمساقتىڭ وزىندە جوعارى ەمدىك قاسيەت بار. يممۋندىق جۇيەنى كۇشەيتىپ، تاندەگى باكتەريالار مەن ۆيرۋستارعا قارسى تۇرادى. سارىمساقتىڭ قۇرامىندا سونداي-اق سۋلفيد بار. ول باۋىردى تازالايتىن فەرمەنتتەردى قالىپتاستىرادى.

بريۋسسەل كاپۋستاسى

ازىق رەتىندە قولدانىلماسا دا دەنساۋلىق ساقتاۋدا شيپاسى مول. ىشىندە ماڭىزدى ءسۋلفيدتى گليۋكوسينولاتتار ادام اعزاسىنان توكسيندەر مەن ۋلى زاتتاردىڭ شىعۋىن قامتاماسىز ەتەدى.  

كوك شاي

باۋىردى تازالايتىن تاماشا وسىمدىك. الكوگولدەن كەلەر زياننان، ىسىكتەن، گەپاتيتتەن قورعايدى. ىشىندەگى كاتەحين تابيعي تۇردە راكپەن كۇرەسىپ، اعزاداعى  مايلاردى ەرىتەدى.