ريو-دە-جانەيروعا روجدەستۆولىق دەمالىسىن وتكىزۋگە بارىپ، جوعالىپ كەتكەن برازيلياداعى گرەكيا ەلشىسى كيرياكوس اميريديس تۋرالى «قامشى» پورتالى حابارلاعان بولاتىن.
CNN تۇرىك ارناسىنىڭ حابارلاۋىنشا، سوڭعى رەت 26 قازاندا كورىنىپ، 4 كۇن بويى جوعالىپ كەتكەن ەلشى ءولى تابىلدى. برازيليا پوليسياسى اميريديستىڭ جالداپ العان كولىگىن ورتەنىپ كەتكەن كۇيدە تاپتى. 59 جاستاعى اميريديس سوڭعى رەت دۇيسەنبى كۇنى جۇبايىمەن تەلەفوندا سويلەسكەن. كەيىننەن وعان حابارلاسا الماعان جۇبايى كۇيەۋىنىڭ جوعالىپ كەتكەنى تۋرالى حابارلاعان ەدى.
جاعدايعا بايلانىستى تەكسەرۋ جۇرگىزىپ جاتقان پوليسيا ونى ولتىرگەن كىسىنىڭ دە پوليسيا بولعانىن انىقتادى. سەرگيو مورەيرا فيلحو ەسىمدى 29 جاستاعى برازيليالىق پوليسيا جاساعان قىلمىسىن مويىنداعان.
