الماتى وبلىسى ءىىد تالعار اۋدانىندا بولعان وقيعاعا بايلانىستى مالىمدەمە جاسادى، وندا پوليسيا ءپاترۋلى كامەلەت جاسىنا تولماعان بالانى جاياۋ جۇرگىنشىگە ارنالعان جولدا ءوتىپ بارا جاتقان جەرىنەن قاعىپ كەتكەن بولاتىن، - دەپ حابارلايدى Tengrinews.kz

"جول-كولىك وقيعاسى الماتى-تالعار تاسجولىنان 25ء-شى شاقىرىمىندا بولعان، وندا الماتى قالاسىنىڭ كامەلەت جاسىنا تولماعان تۇرعىنى زارداپ شەككەن. تالعار اۋرۋحاناسىنا جاتقىزىلعان. قىزمەتتىك كولىكتە ىلە اۋداندىق ءىىب قىزمەتكەرى بولعان. وسى ءىس دەرەكەتەرى بويىنشا ق ر قىلمىستىق كودەكسىنىڭ 345-بابى بويىنشا ءىس قوزعالعان. ونىمەن تالعار اۋداندىق ءىىب اينالىسىپ جاتىر. قازىرگى ۋاقىتتا قىزمەتتىك تەكسەرىس ءجۇرىپ جاتقاندىقتان، پاترۋلدىك كولىكتى جۇرگىزگەن پوليسەي قىزمەتىنەن ۋاقىتشا بوساتىلعان"، - دەدى الماتى وبلىستىق ءىىد باسپا ءسوز قىزمەتىنىڭ وكىلى كوبەيحان نۇراحمەت.

ونىڭ ايتۋىنشا، قىلمىستىق ءىستىڭ تەرگەۋ شارالارى ارنايى وبلىستىق ءىىد باسشىلىعىنىڭ باقىلاۋىنا الىندى.

ەسكە سالايىق، تالعار اۋدانىنىڭ واب قابىلداۋ جول اپاتىنان ءبولىمى زارداپ شەككەن ادامنىڭ 16.00-دە اۋىر حالدە تۇسكەنىن راستاعان. ونىڭ جاراقاتىن ەسكەرە وتىرىپ، جانساقتاۋ بولىمىنە اۋىستىرىلدى. "قازىرگى ۋاقىتتا ناۋقاستىڭ ءحالى تۇراقتى. ول ەسىن جيدى. ونىڭ دەنساۋلىعىن دۇرىس قالىپقا كەلتىرۋ ءۇشىن كەشەندى شارالار جاسالىپ  جاتىر"، - دەدى اۋرۋحاناداعىلار.

، ،