شاحانعا تۋىستارىنا قوناققا كەلگەن ارتەم گاگولكو توتەنشە جاعدايدان امان قالعان. ول سول ساتتە پاتەردىڭ وپىرىلماعان بولىگىندە بولعان، - دەپ حابارلايدى Tengrinews.kz

وكىنىشكە قاراي، قايعىلى وقيعادان ارتەم گاگولكونىڭ اپكەسى، اپكەسىنىڭ كۇيەۋى جانە سەگىز ايلىق جيەنى قازا تاپقان. ارتەمنىڭ ايتۋىنشا، ول سول كەزدە ۇيىقتاپ جاتقان، ءبىراق كەنەتتەن ونى 7 جاسار قارىنداسى وياتىپ، پاتەردە ەدەن جوق ەكەنىن ايتقان. سودان ارتەم شاحتينسكە اكەسىنە قوڭىراۋ شالىپ، مۇنداي جاعدايدا سىرتقا قالاي شىعۋ كەرەكتىگىن سۇراعان. سونداي-اق، ارتەم سول ساتتە قاتتى قورىققانىن ايتىپ وتىر.

وسىعان دەيىن شاحان اۋىلىندا ءۇيدىڭ قۇلاۋىنان قازا تاپقانداردىڭ وتباسىنا ميلليون تەڭگەدەن بولىنەتىنى حابارلانعان بولاتىن. "وتباسىلارىنا قارجىلاي كومەك كورسەتۋ جايىندا. اكىمدىك قازا تاپقان ءار ادام ءۇشىن ميلليون تەڭگەدەن جانە 500 مىڭ تەڭگە اۋرۋحانادا جاتقان زارداپ شەككەندەرگە بولەدى. سونىمەن قاتار اكىمدىك قازا بولعانداردى جەرلەۋ ءراسىمىن جانە ەسكە الۋدى ءوز موينىنا الادى"، - دەگەن ەدى وبلىستىق اكىمدىكتىڭ باسپا ءسوز قىزمەتىندەگىلەر.

ەسكە سالا كەتەيىك، 1 قاڭتاردا شاحتينسك قالاسىنداعى شاحان اۋىلىندا كەشكى ۋاقىتتا تۇرعىن ءۇيدىڭ ءبىر بولىگى وپىرىلىپ، 9 ادام قازا تاپقان بولاتىن. ولاردىڭ ۇشەۋى ەر ادام، ۇشەۋى ايەل، تاعى ۇشەۋى بالالار ەكەن. وقيعا ورنىندا قۇتقارۋ جۇمىستارى جالعاسىپ جاتىر. ال كەيىن اپاتتىڭ الدىن الا سەبەبى اتالعان ەدى. ال كەيىن اپاتتىڭ الدىن الا سەبەبى اتالعان ەدى.