ىستامبۇل قالاسىنىڭ تۇنگى كلۋبتارىنىڭ بىرىندە تەرراكت جاسادى دەپ ايىپتالعان قىرعىز جىگىتى وزىنە تاعىلعان ايىپتى مويىنداماي، وزىنە تاعىلعان ايىپتاۋلاردى جوققا شىعاردى دەپ حابارلايدى turmush.kg، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

ياحيا ماشراپوۆ اتتى قىرعىز ازاماتىنىڭ جەكە كۋالىگىنىڭ سۋرەتىن تۇركياداعى ب ا ق وكىلدەرى جاريالاپ، لاڭكەستى ىزدەستىرە باستاعان.

الايدا، ياحيا ماشراپوۆ ءقازىر قىرعىزستاندا جۇرگەنى انىقتالدى.

ماشراپوۆ كەشە، ياعني 3 كۇنى 7:00-دە تۇركياداعى «ماناس» اۋەجايىنان ۇشىپ، تاڭعى 9 شاماسىندا بىشكەكتەگى وشا اۋەجايىنا كەلىپ قونعان.

ينتەرنەتتە تارالعان اقپاراتتى كورگەن سوڭ، قارا-سۋۋ اۋدانىنداعى قالالىق ۇقك قىزمەتكەرلەرى سول اۋداندا ورنالاسقان ياحيا ماشراپوۆتىڭ ۇيىنە بارىپ، جىگىتتى بولىمەشە الىپ كەلىپ، تەرگەۋگە العان.

ءقازىر قىرعىز ازاماتىنىڭ تۇركيادا بولعان تەرراكتىنى جاساماعانى انىقتالدى.

ياحيا ماشراپوۆتىڭ ءوزى بولعان جاعدايعا ەشقانداي دا قاتىسى جوق ەكەنىن باسا ايتتى. Turmush پورتالىنىڭ كوررەسپوندەنت مۇشەسىمەن بولعان اڭگىمەدە قىرعىز جىگىتى تۇركياعا بارعان سەبەپتەرىن ەگجەي-تەگجەيلى ءتۇسىندىرىپ، وسىعان دەيىن دە ونى تۇركيالىق قۇقىق قورعاۋ ورگاندارى تەرگەۋگە العاندىعىن ايتقان.

«1 قاڭتار كۇنى بىشكەك قالاسىنان تۇركياعا ۇشتىم. ساۋداعا قاتىستى شارۋالارىمىدى ءبىتىرىپ، ىستامبۇل اۋەجايىنا تىركەۋ باستالاردان 2 ساعات بۇرىن كەلدىم دە، تىركەۋدەن ءوتىپ، ۇشاققا وتىردىم. ۇشۋعا 10 مينۋت قالعان كەزدە ەكى ادام كىرىپ بارلىعىمىزدى تەكسەرە باستادى. مەنىڭ قاسىما كەلىپ، جەكە كۋالىگىمدى كورسەتۋىمدى سۇرادى دا، بىردەن ۇشاقتان ءتۇسىرىپ الدى. ۇشاقتان شىققان سوڭ سىرتتا  پوليسيا جانە اسكەري كيىمدە تۇرعان 20 شاقتى ادامدى كوردىم دە، اڭ-تاڭ بولىپ، ەشتەڭە تۇسىنبەدىم. ماعان ءبىر جىگىتتىڭ سۋرەتىن كورسەتىپ، قايدان كەلگەندىگىمدى سۇراي باستادى.  قاڭتاردىڭ 1 كۇنى كەلدىم دە، بۇگىن، ياعني 3 قاڭتاردا قايتىپ بارا جاتىرمىن دەپ جاۋاپ بەردىم. ءبىر ساعاتقا جۋىق مەنى تەرگەۋگە الدى. سول سەبەپتى دە، بىشكەككە باعىتتالعان ۇشاق 1 ساعاتقا كەشىككەن بولاتىن. جاڭا جىل ءتۇنى ىستامبۇلداعى تەرراكتىگە قاتىستى تەرگەۋگە الىپ جاتقاندىقتارىن ماعان ءتۇسىندىرىپ، ەسكەرتتى دە، كەشىرىم سۇراپ، قايتا ۇشاققا وتىرعىزىپ جىبەرد»، - دەدى قىرعىز ازاماتى.

سونىمەن قاتار، قىرعىز جىگىتى تۇركيادا تەرراكتى جاسادى دەگەن كۇدىكتىنى تانىمايتىندىعىن ايتتى. «تەرراكت جاسادى دەپ ايىپتالعان جىگىتتى مەن تانىمايمىن، مەنىڭ جەكە كۋالىگىمدەگى سۋرەت قالايشا ينتەرنەتكە تارالىپ كەتكەنىن دە تۇسىنبەدىم. ءوزىم قارا-سۋۋدىڭ تۋماسىمىن، 2011 جىلدان بەرى «تۋراتالي» بازارىندا ساۋدامەن اينالىسامىن. 3 جەلتوقساندا تۇركيادا تەرراكت بولعان كەزدە مەن قىرعىزستاندا بولاتىنمىن. ول قىلمىسقا مەنىڭ قاتىسىم جوق. 2011 جىلدان بەرى ساۋداعا قاتىستى شارۋالارىممەن ىستامبۇلعا ءجيى كەلىپ تۇرامىن»، - دەپ مالىمدەدى ماشراپوۆ.

ەستەرىڭىزگە سالا كەتسەك، جاڭا جىل تۇنىندە ىستامبۇلداعى «رەينا» تۇنگى كلۋبىندا تەرراكت بولىپ، 39 ادام ولتىرىلگەن بولاتىن. تۇركيالىق ب ا ق وكىلدەرى تەرراكت جاساعان ادام قىرعىز نەمەسە وزبەك ازاماتى ەكەنىن راستاپ وتىر.