سىبايلاس جەمقورلىققا قارسى ءىس-قيمىل ۇلتتىق بيۋروسى بەلارۋس رەسپۋبليكاسىنداعى قازاقستان ەلشىلىگىنىڭ اعا ەسەپشىسىن ۇستادى، - دەپ حابارلايدى Tengrinews.kz ۆەدومستۆونىڭ باسپا ءسوز قىزمەتىنە سىلتەمە جاساپ.
ۇلتتىق بيۋرو مالىمەتىنشە، سەيدۋالييەۆ 2012-2015 جىلدار ارالىعىندا 207 000 دوللار كولەمىندە بيۋدجەت قاراجاتىن جىمقىرعان. ول "اكتيۆبيزنەسپليۋس" عيماراتىن سالعان باس مەردىگەرگە اقشالار تولدەندى دەگەن كاسسالىق وردەرلەردىڭ شىعىنىنا قاتىستى قۇجاتتاردى جالعان دايىنداعان.
"سونداي-اق، سەيدۋالييەۆ وسى ۋاقىت بويى ەلشىلىككە بەلارۋس رەسپۋبليكاسىنىڭ سالىق ورگاندارىنان قوسىمشا قۇن سالىعى رەتىندە قايتارىلعان 474 883 دوللار كولەمىندەگى قاراجاتتى جىمقىرعان. باس ەسەپشىنىڭ جىمقىرعان قاراجاتىنىڭ جالپى سوماسى - 681 883 دوللار"، - دەدى باسپا ءسوز قىزمەتىندەگىلەر.
ق ر ءسىم اتالعان جاعدايعا قاتىستى تۇسىنىك بەردى. بۇل تۋرالى ق ر ءسىم باسپا ءسوز قىزمەتى حابارلادى.
"ءبىز بۇل تۋرالى بىلەمىز. قازاقستاننىڭ سىرتقى ىستەر مينيسترلىگىندەگىلەر جەمقورلىققا ءاردايىم نولدىك توزىمدىلىك ءپرينسيپىن ۇستانادى. ءبىز وسى ءىستى تەرگەۋ ءۇشىن قۇقىق قورعاۋ ورگاندارىنا بارىنشا كومەكتەسەمىز"، - دەدى ۆەدومستۆونىڭ باسپا ءسوز قىزمەتىندەگىلەر.
